Biyl Almaty qalasyndaghy jәrmenkege Ontýstik Qazaqstan oblysy sharualary 320 tonna auyl sharuashylyghy ónimderin әkeldi. Jalpy 160 mln tenge túratyn auyl sharuashylyghy ónimderi Almaty qalasynyng túrghyndarynyng kónilinen shyqty. 

«Almaty men Astana qalasyn azyq týlik qauipsizdigimen qamtamasyz etu maqsatynda osynday jәrmenke úiymdastyryp túramyz. Almatygha biyl ekinshi ret kelip otyrmyz. Tanghy 7-den sauda bastalyp ketti. 160 mln. tengege 320 tonna auyl sharuashylyghy ónimin alyp keldik. Onyng 100 tonnasy bau-baqsha, 60 tonnasy et. Ózimizde ósiriletin kýrketauyq, Shardaranyng balyghy da bar. Bizding tauarlar naryqtaghy baghadan 20-25 payyzgha arzan. Odan bólek, OQO-da shyghatyn ayaq kiyim, kilem sekildi sheberhanalardyng ónimderin de almatylyqtargha úsynyp otyrmyz», - dedi jәrmenkege qatysushy Túrghanbek Ospanov.

Jәrmenke barysynda bayqaghanymyz, almatylyqtardyng deni bal men balyqqa qyzyghushylyq tanytty. Shardaranyng balyghy da «men múndalap» túrdy. «Shardara audanynda 6 mlrd tekshe su jinalatyn su qoymasy bar. Shardaranyng balyghy respublikada tanymal. Búl jәrmenkege 5 tonna balyq, 5 tonna kýrish әkelip otyrmyz. 5 tonna qauyn-qarbyzymyz da bar. Negizinen, audandaghy sharualardyng óz ónimin ghana әkeldik, bagha da sol auyldaghy baghada, ýstinen aqsha qostyrghan joqpyz. Halyq alyp jatyr. «Baghasy arzan, jii kelip túrynyzdar» dep bir-eki kisi kelip ketti», - deydi Shardara audany әkimining orynbasary Qayrat Joldybay. Ayta keter jayt Almaty qalasynyng túrghyndarynyng kýngeyden keletin múnday ónimderge degen súranysy erekshe. 

Abai.kz