Gýljan et zauytynda júmys jasaydy. Bir kýni júmysyn ayaqtap bolghan son, et saqtalatyn tonazytqyshtary bar salqyn bólmege birnәrseni tekseru ýshin kirdi. Biraq, keri shygha alghan joq. Esik syrttan jabylyp qaldy.

Qansha tyrysqanymen esikti asha almady. Esikti syrttan bireu ashpasa ishten asha almaytynyna kózi jetken Gýljan kómekke adam shaqyryp, bar dauysymen aiqaylay jóneldi. Keshki uaqyt bolghan song barlyq júmysshylar ýilerine qaytyp ketken. Sharasyz qalghan song bar biletin dúghasyn oqyp Allagha jalbaryna bastaydy.

Gýljannyng salqyn tonazytqyshtyng ishinde otyrghanyna bes saghat boldy. Kenet esik ashyldy. Birden syrtqa jýgirip shyqty. Esikti ashqan zauyttyng qarauyly eken. Gýljan әreng degende sabyrgha keldi. Esin jiya birden qarauyldan múnday uaqytta esikti nege ashqanyn súrady. Ol kisi: «Men búl zauytta júmys istep jatqanyma otyz bes jylday boldy. Myndaghan júmysshylar kelip, ketip jatty. Alayda, sol myndaghan adamdardyng ishinde tek siz ghana menimen tanerteng amandasyp, keshkisin qoshtasatynsyz. Kóbisi meni kózderine de ilmey, tipti adam dep te sanamaytyn. Býgin әdettegidey tanerteng siz menimen amandastynyz, alayda «Sau bolynyz, erteng kezdeskenshe» degeninizdi estimedim. Tek sizding maghan degen qarym-qatynasynyzdyng arqasynda ózimdi adam retinde sezinetinmin. Biraq, býgin sizding qoshtasu sózinizdi estimegendikten qobaljyp, sizge birdene bolyp qaldy ma dep qatty uayymdadym. Mine, sondyqtan men fabrikany týgel tekseruge shyqtym. Kýdigim rastalyp, siz myna salqyn bólmede qamalyp qalypsyz», – dedi.