Särsenbi, 17 Şilde 2019
Mäseleniñ mäni 2498 1 pikir 28 Naurız, 2017 sağat 17:49

Qızılordada Mwstafa Şoqayğa eskertkiş ornatıldı

????????????????????????????????????

Bügin Qızılordada Alaştıñ jäne Türki äleminiñ ardaqtısı Mwstafa Şoqayğa arnalğan eskertkiştiñ saltanattı aşılu räsimi ötti. Aldımen Rahımjan Otarbaevtıñ «Mwstafa Şoqay» spektaklinen üzindi qoyıldı. Mwnan soñ Qızılorda oblısınıñ äkimi Qırımbek Köşerbaev aymaq twrğındarın eskertkiştiñ aşıluımen qwttıqtadı.

- Mwstafa Şoqay – kez-kelgen iri tarihi qwbılıs sekildi birjaqtı sipattauğa bolmaytın, üyrenşikti qalıpqa saluğa kelmeytin twlğa. Ol sol zamandağı asa kürdeli ğalamdıq tarihi processtiñ bel ortasında, epicentrinde jürip, Türki äleminiñ, öz wltınıñ müddesin qorğauğa tırıstı. Sondıqtan da, Mwstafa Şoqay aq pen qızılğa nemese qoñırğa jaq, ya qarsı boldı degen qarabayır tüsinikke sıymaydı.

Ol öziniñ bükil ğwmırın, külli qajır-qayratı men aqıl-oyın tuğan halqınıñ, tübi bir twtas türki jwrtınıñ birigip örkendeuine arnadı,- dedi oblıs äkimi Q.Köşerbaev.

Sonday-aq, saltanattı şarağa QR WĞA akademigi, Q.Sätbaev atındağı Qazaq wlttıq tehnikalıq zertteu universitetiniñ professorı Dosmwhambet Kişibekov, Qazaq gumanitarlıq zañ universitetiniñ professorı Äbdijälel Bäkir, QR Parlamenti Senatınıñ deputatı Mwrat Baqtiyarwlı qatıstı. Mwnan soñ saltanattı türde eskertkiş jamılğısı tüsirilip, gül şoqtarı qoyıldı.

Eskertkiş  Qazaqstan Suretşiler odağınıñ müşesi, müsinşi Köşer Bayğazievtiñ qoladan jasağan tuındısı. Granitti twğırın qosa eseptegende  eskertkiştiñ jalpı biiktigi – 12 metr.

Osı küni Qorqıt Ata atındağı Qızılorda memlekettik universitetinde  «Alaş» qozğalısınıñ 100 jıldığına arnalğan «Alaş mwrası jäne Täuelsiz Qazaqstan» taqırıbında halıqaralıq ğılımi-teoriyalıq  konferenciya ötti. Oğan Qazaqstan, Türkiya jäne  Özbekstannan   Alaş qayratkerleriniñ mwraların zertteu jwmıstarımen aynalısıp jürgen belgili tarihşı ğalımdar qatıstı.

Abai.kz

1 pikir