Avstriyalyq aqparat agenttikteri Venada “Núrbank” top-menedjerlerining ólimine qatysty sot prosesi bastalghanyn habarlap jatyr.  

Sonymen, qazaqstandyq bankirler Joldas Temirәliyev pen Aybar Hasenovty úrlau jәne óltiru fakti boyynsha aiyptalghandar avstriyalyq alqa biylerding aldynda otyr. Olar: Álnúr Músaev pen Vadim Koshlyak.

Atyshuly is boyynsha basty kýdikti Rahat Áliyev qaytys bolghannan keyin endi barlyghyna atalghan ekeui jauap bermek.

“Interfakstin” deregine sýiensek, sot tóraghasy Andreas Bemom sot prosesine 16 alqa biyin taghayyndaghan. BAQ nazaryndaghy proseste qauipsizdik sharalary barynsha kýsheytilgen kórinedi. Sot zalyna kirmes búryn qatysushylar jyljymaly qauipsizdik shluzderi arqyly ótude. Sonday-aq, sot kýzeti qyzmetkerlerining sany da úlghaytylghan.

Bilesizder, 24 aqpanda Qazaqstannyng Avstriyadaghy búrynghy elshisi Rahat Áliyevting Avstriya abaqtysynda óli denesi tabylghan. Tergeushiler búrynghy diplomattyng óz-ózine qol júmsaghanyn mәlimdedi.

Avstriyalyq qúqyq qorghau organdary eks-diplomatty ótken jyly 5 mausymda qúryqtaghan-dy. Aqparat agenttikterining habarlauynsha, Músaev pen Koshlyakqa qatysty sot prosesi bir aigha jalghasady. Osy uaqytta ýsh ekspert pen alpystan astam kuәger tyndalmaq.

Álnúr Áljapparúly Músaev – Rahat Áliyevting seriktesi. Ol 1989 – 94 j. QR Últtyq qauipsizdik komiyteti bólim bastyghynyng orynbasary, bólim bastyghy, basqarma bastyghy, 1994 – 95 j. QR IIM-ning Úiymdasqan qylmys pen sybaylas jemqorlyqpen kýres bas basqarmasynyng bastyghy, 1995 – 97 j. QR Preziydentining kómekshisi, QR Preziydentining Kýzet qyzmeti bastyghynyng orynbasary, 1997 – 99 j. QR Últtyq qauipsizdik komiyteti tóraghasynyng orynbasary, tóraghasy qyzmetin atqardy. «Últtyq qauipsizdik organdarynyng qúrmetti qyzmetkeri» belgisimen marapattalghan. General-mayor. Al, Vadim Koshlyak Rahat Áliyevting jeke oqqaghary bolghan.

Abai.kz