Jeksenbi, 21 Şilde 2019
Jañalıqtar 2388 7 pikir 29 Naurız, 2017 sağat 09:58

Qazaqstan biligi "arazdıq tuğızğandardı" azamattıqtan ayırudı wsındı

Qılmıstıq kodekstiñ "Äleumettik, wlttıq, ruşıldıq, näsilşildik, qauımdıq nemese dini arazdıq tuğızu" boyınşa 174-babına qoldanılatın jazalarğa Qazaqstan azamattığınan ayıru jazası qosıluı mümkin. Bwl turalı Ädilet ministrliginiñ brifinginde aytıldı. Osı jäne basqa da özgertuler ädilet ministrligi dayındap jatqan zañ jobasında qamtılğan.

 

Qazir 174-bap boyınşa bes jıldan on jılğa deyin türme jazası beriledi. Qazaqstan azamattığınan ayıru jazası qarulı janjaldarğa qatısqanı üşin qoldanıluı mümkin.

 

Ädilet ministrligi azamattıqtan ayıru jazasın terroristik qılmıs jasağandarğa, Qazaqstannıñ mañızdı müddelerine orasan zor nwqsan keltirgenderge qoldanudı wsınıp otır. Ädilet ministrliginiñ Zañnamalar departamentiniñ direktorı Darhan Igembaevtıñ aytuınşa, "terroristik qılmıs, sonday-aq Qazaqstannıñ mañızdı müddelerine orasan zor nwqsan keltiru" tüsinigi qılmıstıq kodekstiñ 15 babına qosıluı mümkin.

 

Ädilet ministriniñ orınbasarı Zäureş Baymoldinanıñ aytuınşa, zañ jobasın parlament bekitken jağdayda, bwl mäseledegi soñğı şeşimdi Qazaqstan prezidenti Nwrswltan Nazarbaev şığaradı.

 

4 säuirde ädilet ministrligi vedomstvoaralıq komissiyanıñ jinalısın ötkizudi josparlap otır, odan soñ bilik zañ jobasınıñ soñğı nwsqasın qoğam nazarına wsınadı.

Abay-aqparat

7 pikir