QR Jogharghy sotynyng tóraghasy

Qayrat Mәmiyding nazaryna!

Qúrmetti Qayrat ata!

Men Kәuker Janerke Janbolatqyzy 2017 jyldyng 27 aqpanynda dýniyege keldim. Men dýniyege kelmey túryp, yaghny ótken 2016 jyldyng tamyz aiynyng 3-i kýni әkem kisi qolynan qaza tapty. Basynan qatty tiygen soqqynyng kesirinen әkeshim Ábdikerimov Janbolat Kәukerúly bú dýniyemen qoshtasyp kete bardy.

Sheshem qaldy, zar enirep. Ájem men atam qaldy, qarashanyraqtyng iyesi sanalatyn úldarynyng qabirin qúshaqtap. Mektep esigin biyl ghana ashqan әpkem qaldy, әkesiz jetim bolyp. Ákemning bauyrlary qaldy, «qangha-qan, jangha-jan» dep inilerining kegin ne qaytararyn, ne qaytarmasyn bilmey... Men ol kezde dýnie esigin әli ashpasam da, anamnyng qúrsaghynda jatyp, sol bir auyrtpalyqtyng bәrin túla boyymmen sezinip jattym.

Qayrat ata, qazaq jetimin jylatpaghan el edi ghoy. Bizdi jylatyp, әkesiz jetimek etken Kerimjan Rýstem atty azamat qazir bostandyqta «gólayttap» jýr. Mening әkemning sonda súrauy bolmaghany ma? Bireuding malyn óltirse de, jazagha tartatyn zanymyz bar edi ghoy. Mening әkemning mal ekesh mal sekildi de qúny bolmaghany ma? Osyny oilasam, jan-dýniyem titirkenip, túla-boyym qalshyldap ketedi. Dýnie esigin әli ashyp ýlgermegen sәbiyding jýregine jara salu – Tәuelsiz, damyghan, әlemdegi 30 elding sapyna qosylugha talpynghan memleket ýshin úyat emes pe? Bir ýili jandy qayghynyng tenizine batyrghan qylmyskerdi bostandyqqa jibere salu býkil qazaq eli azamattarynyng ashuyn tughyzaryna bek senemin. Sondyqtan da, Sizge hat jazyp, kómek qolynyzdy sozuynyzdy ótinip súraymyn.

Qayrat ata! Sizding men sekildi nemereniz bar ma? Qúday onyng betin ary qylsyn, sol nemereniz mening kýiimdi keship jatsa, tynysh úiyqtar alar ma ediniz?. «Ár qazaq – mening jalghyzym» deytin últtyng úly emes pe edik?!. Demek, men Sizding de nemerenizbin. Mening sózimdi jerge tastay kórmenizshi.

Ákem Ábdikerimov Janbolat Kәukerúly kisi qolynan qaza tapty. Qaraghandy oblysyna qarasty Balqash qalalyq soty qylmysty isti qarap, Kerimjan Rýstemdi 106 babtyng 3-tarmaghymen (Densaulyqqa qasaqana auyr ziyan keltiru) qylmysty dep tauyp, 9 jylgha bas bostandyghynan aiyrdy. Kerimjan Rýstemning zangerleri búl jazamen kelispey, Qaraghandy oblysynyng sotyna jýginedi. Oblystyq sot Balqash qalalyq sottyng ýkimin ózgertpey kýshinde qaldyrady. Osylaysha әkemdi óltirgenderding qylmystyq isi Jogharghy sotqa deyin jetedi. Nege ekenin qaydam, Jogharghy sot Kerimjan Rýstemning qylmysyna belgilengen 106 babtyng 3-tarmaghyn 104-baptyng 1-tarmaghyna ózgertip (Abaysyzda qazagha úshyratu 1. Abaysyzda qazagha úshyratu – ýsh jylgha deyingi merzimge bas bostandyghyn shekteuge ne sol merzimge bas bostandyghynan aiyrugha jazalanady), sosyn Elbasynyng tәuelsizdikting 25 jyldyghyna jariyalaghan Raqymshylyghyna ilip, sot zalynan bosatyp jiberdi.

Qúrmetti Qayrat ata! Elbasymyzdyng raqymshylyghy qylmyskerge búiyryp, bizge búiyrmay ma? Bizdi tóbemizden tas týskendey esengiretip tastaghan búl ýkimning sony nege aparatynyn óziniz oilap kórinizshi.

Ájem Kýlzipash Seyitova 

Birinshiden, әjemdi ayaymyn. Ákemning qazasynan keyin densaulyghy kýrt nasharlap ketip edi. Jogharghy sottyng sheshiminen keyin tipti jaghdayy tómendep, óz ayaghymen jýrgen әjem mýgedek arbasyna tanylyp qaldy.

Atam Ábdikәrimov Kәuker

Ekinshiden, atam «balalary (әkemning bauyrlary) «kek quamyn» dep bir bәlege úshyrap qala ma dep jany shygharday shyryldap jýr.

Ýshinshiden, әkemning bauyrlary Qazaqstan músylmandar diny basqarmasyna baryp, qazaqy jolmen «qangha qan, jangha jan» dәstýrin janghyrtugha pәtua súrady. Mýftiyat pәtuә beruden ýzildi-kesildi bas tartypty. Múnyng sony taghy da qylmysqa jalghasyp ketse, kim jauapty?

Anam Ábdikerimova Ghaliya Batyrjanqyzy men әkem Ábdikәrimov Janbolat Kәukerúly

Tórtinshiden, otyz jasynda azamatynan airylyp, jesir qalghan sheshem Ábdikәrimova Ghaliya Batyrhanqyzy zang jolymen әdildik tappasa, jogharghy sottyng aldyna baryp ózin-ózi órteui әbden mýmkin ghoy. Múnday jaghday bola qalsa, әkemning isin qaraghan Jogharghy sottyng qyzmetkerleri jauapty bolmay ma?

Kәuker Zere Janbolatqyzy

Besinshiden, mektep tabaldyryghyn biyl attaghan Kәuker Zere Janbolatqyzy men dýniyege jana kelgen mening keybir sheneunikterding kesirinen kýshtik qúrylymdargha degen keri kózqarasymyz qalyptasyp ketse, búl Tәuelsiz Qazaqstan ýshin eng ýlken qauip emes pe? Bir ýili jandy baghyp otyrghan әkemning janynyng keybir sudiyalargha kók tiyndyq qúny joq shyghar. Biraq, keudesinde shyryldaghan jany bar jetimekterding kóz jasynyng qúnynyng qanday bolatynyn Elbasymyz jaqsy biledi.

Qúrmetti Qayrat ata!

Ákemning núrly jýzin ómirde bir ret kóre almaghan mening taghdyrymdy eshbir balagha Qúday kórsetpese eken. Sol ýshin de Elbasynyng halyqqa jasaghan jaqsylyghyn, raqymshylyghyn óz mýddelerine paydalanyp, bizdi jylatqandargha shara qoldanuynyzdy súraymyz.

Qazaqstan zany barlyq adamgha birdey. Biz ol zangha qúrmet etemiz. Qúrmet etkendikten de, Sizge hat jazyp, kómek súrap otyrmyz.

Ákemdi óltirgen adam bostandyqta jýrgen kezde Tәuelsiz Qazaqstan jerin basyp jýru men ýshin óte qorqynyshty, ýreyli.

Túla-boyymdy biylegen osy ýreydi seyiltinizshi, Qayrat ata!

Mynau - menmin!

Sәlemnen Kәuker Janerke Janbolatqyzy

Abai.kz