Qalay bayqamadym, qalay talantyna basymdy shayqamadym? Mende kóz joq, aitargha sóz joq! Qúdayym-au, әielim әigili bolayyn dep jýrgen, basyna bes tonna baq qonayyn dep jýrgen, endi-endi bolayyn dep jýrgen әnshi eken ghoy? Biytimizdi syghyp, qanyn jalap jýrgen biz siyaqtylargha búl degeniniz keremet emes pe?

Talanty taryday ma, tauday ma, ezilip túrghan borday ma, júmysym joq, tanys saz әrleushige ertip apardym.

– Biz әnshimiz! – dedim men quanyp.

– Qoy–ey? – dep qaldy tanysymnyng tandayy jabysyp.

– Biz ataqty әnshilermiz!

Dereu «et asyp jeymiz!» atty әnning mәtinine fonogramma jazdyrdyq. Ánning әnin jazghan ózim, sózin jazghan әielim Shynghyrgýl. «Sorpa ishtik», «Mening qatynym», «Itting balasy», «Myjylghan mahabbat» әnderimizge de beyne bayan týsirip, teledidarlarda kórsetilgennen bastap, ataghymyz aspangha ilinip qaldy! Jer basyp jýre almay, tyrqyldap kýle alamay qaldyq. Ynyranyp. Aqsha degen әr «kәstirólimizden» jýz myndap týsip jatty! Oibay-au, mening әielim әnshi eken ghoy! Dausynyng jetpegen, qyryldaghan, yryldaghan jerlerin әuen әrleushimiz jóndep bere qoyady. Syzylyp túr! Tek auzyndy jybyrlatyp túrsang boldy. Onyng da erejesi bar eken. Búghan kelispegen әielim, sahnada saghyz shaynap túratyn boldy. Al, men teris qarap túryp әn shyrqaymyn. Keshirinizder, óitkeni auzym o bastan qisyq edi... Úyalamyn. «Et asyp jeymiz!» әnin shyrqaghanymyzda әielim sahnagha pisken etti alyp shyghyp, bir jilikti maghan ústata salady. Erin jybyrlatudan qútyludyng bir әdisi, dereu et jey bastaymyz. Tyndarmandarymyz, múny әnge baylanysty obraz eken dep týsinip jýrdi. Sorpa turaly әn shyrqasaq, sorpa ishemiz. Rahat eken! Bir aidyng ishinde jarday bolyp, әreng jýretin qazday bolyp, semirip kettik. Sodan, «kәstirólde» jýrsek, halyqty aldaymyz, tiri dauyspen әn shyrqaugha barmaymyz. Jalghyz bizder deysizder me? Qazaqstandaghy «Menmin!» deytin әnshilerding bәri halyqty fonogrammamen aldaydy, sóitip eki qabat kottedj salyp, qymbat mashinalarymen maqtanady. Instagramda. Biz de maqtanyp jýrmiz.

Bir kýni qyzyq emes konsert berip jatqanbyz. Bir әiel әn shyrqap túrghan әielime tufliyin laqtyrghany! Ýndi filimindegi әnshige laqtyrghanday... Áyelim tufliydi qaghyp alyp:

– Ekinshisin laqtyr! – dedi. Anau ekinshisimen jiberip úrdy da:

– Halyqty nege aldaysyndar? Joyylsyn, fonogramma! – dep aiqaylady. Sol eken, júrttyng bәri ayaq kiyimderin laqtyra bastady, sahnada ayaq kiyimder tauday bolyp ýiilip qaldy. Kәshólókterin laqtyrsa meyli ghoy. Túra qashtyq. «Ólә, deydi әielim entigip, – eger fonogrammagha tiym salu túraly zang qabyldanyp ketse, óshemiz!»

– Zang qabyldansa, basqa elge kóshemiz! – deymin men júbatqan bolyp.

Ýige kelgen son, «Qashyp kettik!» atty әn tudy. Ánin jazghan ózim, sózin jazghan әielim... Qalay, tyndaysyzdar ma?

Múhtar Sherim

Facebook-tegi paraqshasynan