Jeksenbi, 24 Mausım 2018
Mäñgilik el 1480 0 pikir 7 Jeltoqsan, 2017 sağat 16:53

Astanadağı forumda Qazaqstandağı Internet of Things bolaşağı talqılandı

2017 jıldıñ 7 jeltoqsanında Astana qalasında «IoT Forum Astana 2017» forumı ötti.  Forumdı wyımdastıruşı – elimizdiñ jetekşi infokommunikaciyalıq operatorı - «Qazaqtelekom» akcionerlik qoğamı. Şara Qazaqstan Respublikası Aqparat jäne baylanıs ministrliginiñ qoldauımen ötkizildi.

Forumda kündelikti ömirde türli twrmıstıq zattardıñ esepteu jelilerin wyımdastıru, Internet of Things-ti (IoT -  Internet of Things)  engizudiñ özekti mäseleleri, atalğan twjırımdamanı qazaqstandıq jäne jahandıq auqımda qoldanu perspektivaları talqılandı.

Şarağa  halıqaralıq jäne qazaqstandıq sarapşılar, müddeli taraptardıñ ökilderi - ortalıq memlekettik jäne jergilikti atqaruşı organdardıñ ökilderi, kvazimemlekettik sektor ökilderi, jabdıqtar men bağdarlamalıq önimderdi öndiruşiler, jurnalister men blogerler qatıstı.

Forum aşıluında Qazaqstan Respublikası Prem'er-ministriniñ orınbasarı Asqar Jwmağaliev «Innovaciyalıq Qazaqstan-2020»  memlekettik bağdarlaması ayasında jüzege asırılıp jatqan bastamalar turalı bayandadı.

«Innovaciyalıq ekojüyeniñ qwrıluı - bwl EXPO-bazağa negizdelgen aymaqtı qalıptastıruğa mümkindik beretin drayver bolıp tabıladı. Ol öz kezeginde salıq jeñildikterimen qamtılğan jaña bastamalardı qwrudı közdeydi. Osı alañğa jinalğan maqsatımız, bağdarlamanıñ negizgi besinşi bağıtı - önerkəsip üşin mañızdı bolıp tabılatın, IOT-jobalardı cifrlandıru, tiimdilikke, avtomattandıruğa jəne qarjı şığındarın ünemdeuge mümkindik beredi»,- dep mälimdedi A. Jwmağaliev.

«Qazaqtelekom» AQ Basqarmasınıñ törağası Quanışbek Esekeev büginde adamdarğa täueldi emes jaña narıq klassı bar ekenin atap ötti, mäselen kölik jäne POST-terminaldar narığı.

«Eger biz älemdegi wyalı baylanıs jelisiniñ 6 milliard paydalanuşısı bar degen statistikanı alsaq, onda Internet of Things narığı 20 milliardtı qwraydı.
Meniñ oyımşa, bügingi tañda kommunikaciyağa qosılğan ärtürli qwrılğılarda otıratın 5 millionğa juıq abonent bar. IoT narığınıñ bolaşağı zor. Dästürli tirkelgen baylanıs qazirgi tañda qoldanıstan şığıp baradı.  Biz bärimiz wyalı telefonğa üyrendik, biraq jaña narıqtar kompaniya üşin mañızdı. Meniñ oyımşa, bwl narıq bizdiñ ömirimizge endi. Biz üşin IoT – zaman ağınınıñ mañızdı jaña böligi»,- dep atap ötti Q. Esekeev.

Şarağa arnayı şaqırılğan spikerler qatarında Beijing Health Forum negizin qalauşı jäne bas direktorı, IoT  salasınıñ halıqaralıq sarapşısı Duglas Korli men Gonkongtağı qalalıq ziyatkerlik konsorciumnıñ negizin qalauşılardıñ biri Toni A.Verba boldı.

D.Korli memlekettik tehnologiyalıq mäselelerdi şeşu üşin jıldar boyı iri ğılımi ortalıqtarmen birlese jwmıs istep keledi. Ol forum barısında atalğan saladağı  öziniñ täjiribesimen bölisti. T.Verba Gonkongta tehnologiya, oyın-sauıq, mädeniet jäne äleumettik salada birqatar jobalarğa, onıñ işinde Ticketflap jäne ClockenflapMusicandArtsFestival – ğa qatısqanı belgili.

Talqılau alañında forumnıñ qatısuşıları Qazaqstanda IoT-tı damıtu turalı jäne twrğın üy-kommunaldıq şaruaşılığı, önerkəsip, auıl şaruaşılığı jəne «Aqıldı qala» jobası ayasında osı bağıttıñ keleşegi turalı pikir almastı.

Abay-aqparat

0 pikir