Jwma, 22 Naurız 2019
Anıq 2646 25 pikir 8 Jeltoqsan, 2017 sağat 15:03

Doping dauı: Qazaqstan Reseyge qaraylamaydı

HOK atqaruşı komiteti Şveycariyanıñ Lozannasında ötken arnayı otırıstıñ qorıtındısın şığardı. Söytip, 2018 jıldıñ 9-28 aqpanda Phençhan qalasında ötetin qısqı Olimpiada oyındarınan Resey qwramasın şettetti.

Resey qwramasın Olimpiadadan şettetudiñ sebebi – doping dauı. Kreml' öz sportşılarınıñ doping qoldanğanın joqqa şığarıp otır. Tipti, halıqaralıq janjaldıñ sayasi astarı bar dep te keledi.

Ne desek te endi Resey sportşıları neytraldı tudıñ ayasında ğana Olimpiadağa qatısu qwqığına ie bolmaq. Demek, 2018 jılğı älemdik sport dodasında Reseydiñ Tuı köterilmeydi, änwranı şırqalmaydı. Bitti.

Qazir Kremldegi köp şendiniñ bas qatırıp otırğan jalğız mäselesi – neytraldı tudıñ astında öner körsetip, wyatqa qalu ma, älde mülde baykot jasap, tağı da wyatqa qalu ma? Wyatqa qalu demekşi, 2014 jılı Soçide qısqa Olimpiada ötti. Resey özi ötkizgen bwl dodada orıstıñ 20-dan astam sportşısı doping qoldanıp, wstaldı. Tipti, wyımdastıruşılar sınamalardı özgertip, dopingi bar degenderdiñ ornına basqa sınımalardı körsetip, qulıq jasağan. Qısqaşa aytqanda – aferizm.  Mwnı bilip qoyğan HOK Reseydi Olimpiadadan şettetu turalı şeşim şığardı.

Milionovtıñ miğa qonbaytın wsınısı

Bwl twsta Resey Dumasınıñ dümşe deputatı Vitaliy Milionov deytin bilgiş bılay dep mälimdeme jasaptı.

Qazaqstan, Qırğızstan men Belorussiya baykot jasap, Reseydi jaqtap, Olimpiadağa qatıspauı kerek-mıs.

«Sizderge wsınısım, eger Resey qwramasın şettetetin bolsa, bizge qaraylasıp, Olipiada oyındarına qatısudan bas tartıñızdar. HOK tarapınan Resey Federaciyasına qarsı jwıs jasalıp atqanın körip otırmız. Mwnıñ sayasi sipatı bar ekeni de belgili. Bizidñ elimizge Halıqaralıq wyımdar tarapınan qısım köbeyip keledi. Mısalı, Europa men Amerikanıñ salğan sankciyaları oñay tiip jatqan joq. Bwl da sayasi qısım», - depti jañağı Milonov.

Esteriñizde bolsa, basqa-basqa emes, däl osı Milionov deytin Dumanıñ deputatı Qazaqstannıñ latın qaripine ötuine öre-türegelip, narazılıq körsetken.

«Biz qanday da bir şeşim qabıldauımız kerek. Qazaqstannıñ latınğa köşui kirillicadan ğana emes, jalpı Reseyden irgesin aulaq saluı.  Biz Duma şeñberinde hat jazayıq. Alañdauşılıq bildireyik», - degen bolatın Milionovımız.

Jä, Milionov şovnistik piğıldağı, pro-imperialistik senimdegi sarjağal sayasatkersımaq. Kreml'di töñirektegen mwndaylardıñ talay kördik.

Arıstanbek Mwhamadiwlı: Qazaqstan Olimpiadağa qatısadı

Deytwrğanmen, Qazaqstan Respublikasınıñ Mädeniet jäne sport ministri Arıstanbek Mwhamadiwlı bwl mäseleniñ nüktesin qoydı. Qazaqstan 2018 jılğı qısqa Olimpiada oyındarına qatısadı.

«Bwl bir adamnıñ pikiri. Jäne kez kelgen adam pikir ayta aladı. Al endi biz ärkimniñ sözine jauap berip jatsaq, bwl dwrıs emes. Memlekettik poziciya bar. Biz sonı wstanamız. Qazaqstandıq sportşılar qızu dayındıq üstindi. Qazirgi tañda bizdiñ qorjınımızda 17 liceniya bar. Bizdiñ maqsatımız osı licenziyanıñ sanın arttıru jäne Olimipiadada jaqsı körsetkişterge qol jetkizu», - dedi Ministr.

Ministrdiñ degenderin täpsirlep jatudıñ özi artıq bolar. Qısqası, Milionov sekildilerdiñ sözine nazar audarudıñ özi dwrıs emes. Jäne Qazaqstan qwraması Olimipiadağa qatısadı. Bitti.

Kärisüyek komunistiñ köksegeni – Säbet odağın qwru

Aytpaqşı, Resey Dumasınıñ pensioner deputatı, kärisüyek kommunist Gennadiy Zyuganov «Rossiya 1» arnasındağı 60 minut deytin bağdarlamağa qatısıp, Säbet odağınıñ spartakiyadasın ötkizeyik depti.

«Säbet odağı qazir bolğanda bizdi eşqaşan eşkim Olimpiadadan qumaytın edi. Bwl ne bassızdıq? 15 adam jinalıp, Reseyge qarsı dauıs berdi. Bizde öz jauabımızdı beruimiz kerek. Men keşe Dumada bastama köterdim. KSRO halıqtarınıñ spartakiyadasın ötkizeyik. Reseydiñ qwramındağı halıqtar qatıssın. Körşilerimiz qatıssın. Mağan seniñizder, bwl anau Phençhandağı Olimpiadadan göri küşti boladı», - deydi Zyuganov.

Qızıq bolğanda, Halıqaralıq komitet Resey qwramasın Olimpiadadan şettetse, deputat Zyuganov bwrınğı Säbettiñ spartakiyadasın ötkizeyik, Olimpiadanıñ alternativasın jasayıq depti. Sondağı Zyuganovtıñ ambiciyası küli kökke wşqan Säbetti qayta tiriltu me?

Doping işkişterdiñ reytingi

2016 jılı «Fox Sports» telearnası 2008-2012 jılğı Olimpiada oyındarında doping dauına ilingen elderdiñ reytingin jasap edi. Onda 9 birdey Olimpiada medalinen ayırılğan Qazaqstan älem boyınşa ekinşi  orında bolğan.

Ol kezde doping işken sportşılardıñ köşin Resey bastadı. 19 sportşısı medalderin qaytarıp bergen bolatın. Al üştikte Belarussiya boldı. Olar 7 medaldi qaytardı.

Biıl şe? Biıl jaña reytin bar. Jeñil atletika federaciyasınıñ Halıqaralıq Assosaciyası reyting jasaptı.  Doping qoldandı degen küdikke ilingen 62 eldiñ 316 atletin sporttan şettetken eken. Bwl tizimde köş bastap twrğan tağı da Resey.  Reseydiñ 58 jeñil atleti dopingpen wstalğan.  316 atlettiñ işinde 2 qazaqstandıq bar.

Şeşem qatal. 7 sportşı 2 jıldan kem uaqıt sporttan şettetilse, 144 sportşı twp-tura 2 jıl jarıstarğa qatıu qwqınan ayırılğan.  95 sportşı 3-5 jılğa, 34 sportşı 6-10 jılğa sporttan alastatılğan. Eñ soraqısı 36 sportşı ömir boyına ülken sporttan quılıp, Halıqaralıq jarıstarğa qatıspaytın boldı.

Nwrzat Toğjan

Abai.kz

25 pikir