Düysenbi, 30 Naurız 2020
Kübirtke 27465 49 pikir 28 Jeltoqsan, 2017 sağat 11:20

Bekbolatpen suretke tüsken Ädilbek Qıtay türmesinde qaytıs boldı

Keşeli beri «Whatsapp» äleumettik jelisinde Qıtayda twtqındalğan qazaq azamatınıñ qazası turalı aqparat taradı. Onda «Radio Free Asia» agettigine silteme jasalğan eken. Biz atalğan materialdıñ tüpnwsqasına köz jügirttik.

Sonımen maqaladı ne jazılğan? Osı swraqqa naqtı jauap beru üşin   ağılşın tilinde jazılğan materialdı qazaq tiline audara otırıp, şolu jasağandı jön kördik.

«Äueli, Qıtay biligi Şıñjañnıñ soltüstik-batısındağı etnikalıq az wlttar – qazaqtar men wyğırlardı qudalaudı jalğastırıp jatır» (Chinese authorities in the northwestern region of Xinjiang are continuing their wave of arrests of ethnic minority Kazakhs and Uyghurs, sources in the regional told RFA on Wednesday.) dep jazadı «Radio Free Asia»  agenttigi.

Qıtayda biıl ötken partiya s'eziniñ qarsañında bastalğan qarbalas äli jalğasıp jatqan körinedi. «RFA» solay deydi.

Atalğan derekköziniñ jazuına qarağanda, jergilikti policiya Qıtaydıñ bileuşi Kommunistik partiyasına sın aytqan ärbir azamattıñ, sonday-aq, şetelmen baylanısı bar, onda da tuğan-tuıstarı şetelde twrıp jatqan Qıtay azamattarınıñ qır soñına tüsken.

Qanday da bir sebeppen twtqındalğan azamattardıñ deni tärbieleu mekemelerine jöneltilse, keybiri qılmıstıq motivpen abaqtığa jabılğan.

Eñ soraqısı - türmege qamalğan azamattar zorlıq-zımbılıqqa wşırağan. Tipti, wrıp-soğudıñ soñı ölimge äkelip soqtırğan jağdaylar da bolğan.

Bekbolat Tileuhanmen suretke tüskender twtqındalıp jatır

«Tağı bir qazaqtıñ Erkin Aziya tilşisine aytqan szine süyensek, Ürimşi qalasındağı jeke käsipker Ädilbek Qasımbaywlı noutbuginen aqau şığıp, jöndetuge aparğan. Al dükenniñ qızmetkeri noutbukten köptegen beynejazbalar men fotolardıñ, sonıñ işinde qazaqstandıq zañşığaruşınıñ suretteri saqtalğanın körip, policiyağa mälimdegen (A second Kazakh source gave the example of Urumqi sole trader Adilbek Hasmubai, who was reported to police after he sent his computer to a repair shop and the shop assistant viewed photos and images of a Kazakhstan lawmaker stored on the hard drive, and reported him to police.)», dep jazılğan joğarıdağı aqparatta.

Qazaqstandıq deputat Bekbolat Tileuhan mırzanıñ Qıtayğa saparlap, ondağı qazaq jastarımen kezdesu wyımdastırğanı jaylı osınıñ aldında habarlağan edik. Onda da Bekbolat Qanaywlınıñ QHR-ğa naqtı qay jılı jasağan saparı ekeni anıq aytılmağan.

«32 jastağı Ädilbek noutbugin aluğa barğanda, dükende kütip twrğan policiya qızmetkerleri onı twtqındap äketken. Artınan Ädilbektiñ birneşe tanısı da twtqındalğan. Oğan sebep, Qazaqstan Mäjilisiniñ deputatı Bekbolat Tileuhanmen birge tüsken suretterdiñ noutbukte saqtalıp qalğanı (Adilbek, 32, was taken away by police in Urumqi, and several of his friends and associates were later also detained, after his computer was found to contain images of them posing in photographs with Kazakhstan Mazhilis member Bekbolat Tleukhan, who has spoken out about China's treatment of Kazakhs.), deydi «RFA».

Sonday-aq, İle Qazaq Avtonomiyalıq okruginiñ Taçen qalasındağı iske baylanıstı 20 adam twtqındalğanı belgili boldı. Oğan qosa, jergilikti qazaq azamattarınıñ qwjattarın tärkileu jwmıstarı äli künge jalğasıp jatır.

Ädilbek policiya qolınan qaza taptı

Al keşeli-beri «Whatsapp» äleumettik jelisi aqrılı Qıtayda twtqındalğan Ädilbek Qasımbaywlınıñ policiya qolınan qaza tapqanı habarlandı.

«Bekbolat Tileuhanmen suretke tüskeni üşin twtqındalğan Ürimjilik qazaqtı Qıtay saqşıları türmede wrıp öltirdi» deydi «Radio Free Asia» agettiginiñ qıtay tilindegi qızmeti. (http://www.rfa.org/mandarin/yataibaodao/shaoshuminzu/ql2-12252017123207.html )

Ürimjilik qazaq saudager Ädilbek Qasımbaywlı twtqındalıp, 7 aydan soñ türmede qaytıs bolğan. 24-jeltoqsan küni üş policiya qızmetkeri Ədilbektiñ mäyitin onıñ zayıbına tapsırıp bergen äri mäyitti tezdetip jerleudi bwyırğan. Ədilbektiñ jwbayı joldasınıñ öne boyı jaraqattanıp, kögergenin, bet älpetiniñ adam tanığısız küyge tüskenin körgen.

Tuıstarı mäyitti anatomiyalıq saraptamadan ötkizudi talap etkende, policiya qısım jasap, qoqan-loqı körsetken.

«Radio Free Asia» agettiginiñ ağılşın jäne qıtay tilderinde taratqan aqparatınıñ auanı - osı.

Audarğan Nwrzat Toğjan

Abai.kz

49 pikir