Beysenbi, 1 Qazan 2020
COVID-19 QAZAQSTANDA. Júqtyrghandar — 107979. Jazylghandar — 102937. Qaytys bolghandar — 1725
3002 5 pikir 10 Qantar, 2018 saghat 10:23

Ferghana sharualaryn Qaraqalpaqstangha mәjbýrlep jiberip jatyr

Ózbekstanda Ferghana oblysynyn basshysy Shuhrat Ganiyev aymaqtaghy 100 sharuashylyq basshylaryn Qaraqalpaqstangha mәbýrli týrde jibergen. Alghashqy top Qaraqalpaqstangha 5 qantarda attandy. Ferghanalyq sharualar múnda mal sharuashylyghyn úyymdastyruy tiyis.

Oblys basshysy sharualargha múnday búyryqty jyl basynda bergen.

"Árbir sharuagha Qaraqalpaqstanda mal jәne egin sharuashylyghymen aynalysu ýshin 100 gektar jer beriledi dedi oblys basshysy. Búnymen birge, biz Ferghanadaghy sharuashylyqty qosa alyp jýruimiz kerek", - dedi Ferghana oblysynyn sharuasy.

Ferghana oblysy Altyaryq audany әkimdiginin bir qyzmetkeri búl aqparatty rastady. "Oblys basshysy Qaraqalpaqstanda mal sharuashylyghyn damytugha mýmkindik mol ekenin aytty. Biraq búl aymaqta mal sharuashylyghyn qalay damytu kerektigin, maldy qaydan alu qajettigin eshkim aytpady. Búl mәseleler sol jerde qaralady degendi ghana aytty", - dedi audan әkimdiginin sheneunigi.

Ferghana oblysy әkimdiginin bir qyzmetkeri ferghanalyq sharualargha az payyzdyq mólshermen nesie beriletinin habarlady.

Ferghana oblysy Furkat audanynyn sharuasy Ochil Begmatovtyn aytuynsha, Qaraqalpaqstanda mal sharuashylyghyn ayaqqa túrghyzugha úzaq uaqyt kerek. "Mal sharuashylyghyn kóteru ýshin kem degende on jyl qajet. Sol sebepti men ferghanalyq sharualardy Qaraqalpaqstangha jiberu arqyly qatelik jiberip otyr", - dedi ol.

Abai.kz

5 pikir