Beysenbi, 21 Qaraşa 2019
Qwyılsın köşiñ 3382 4 pikir 31 Qañtar, 2018 sağat 09:22

Qazaq eline köşip kelgen qart Qasımovtan araşa swraydı

Qazaqstan Respublikasınıñ

 İşki ister ministri

Qalmwhanbet Qasımovqa!

Qwrmetti Qalmwhanbet Nwrmwhanbetwlı!

Qıtay Halıq Respublikasınıñ azamatı, wltı qazaq - Sabırğali Soltanşäripwlı (15.04.1956 jılı tuğan) men jwbayı Taraqan Sağatbekqızı (15.09.1956 jılı tuğan) 2016 jıldıñ 27 säuirinde Qazaqstan Respublikasına köşip kelip, Aqmola oblısı Ereymentau audanı Künşalğan auılına twraqtağan. Ol kezde vizalıq rwqsat uaqıtı sol jıldıñ 13 jeltoqsanına deyin bolğan.

Köşip kele sala Aqmola oblısı Ereymentau audandıq köşi-qon policiyasına twraqtı tirkelu üşin qwjattarın dayındap barğan kezde «Qıtayğa, Beyjiñge barıp sottalmağandarıñız turalı anıqtama äkelesizder» dep birneşe ret qaytarıp jibergen.

Qıtay ükimeti zañında onday anıqtama beru turalı eş tarmaqta jazılmağandıqtan, özderiniñ Qıtay elinde tuıp-ösken audanındağı policiya mekemesinen «bwrın sottalmağan» degen anıqtama äkelse, onı bwl jaqtağılar jaramsız dep tapqan.

Eki ayağı saldanıp, özdiginen jüre almaytın sırqatqa şaldıqqan otağasınıñ qazirgi auru jağdayı körgen adamnıñ janın auırtadı. Tirkelu problemasına sırqat qosılğan bwl otbası auır halden qalay şığu jolın tappay dağdaruda.

Söytip eki ortada bir jarım jıldıñ üstinde sandalğan bwl kisiler qazir tığırıqqa tirelip otır.

Eki ayağınan jan ketip, saldanu auruına şaldıqqan otağası Sabırğali Soltanşäripwlı aqırı Ereymentau audandıq äkimşilik sotına «QR-da qalu üşin twraqtı tirkeuge aluğa, sol arqılı Qazaqstan Respublikasınıñ azamatı atanu maqsatı bar ekenin» aytıp, arız jazadı. Ol ötinişti qabıldağan audandıq sot: «ÄQBT QRK 517 babınıñ 4 böligimen kinäli» dep tanıp, oğan on bes aylıq eseptik körsetkiş köleminde 36075 teñge ayıppwl salu» jöninde şeşim şığarğan.

Bwl qaulını alğan olar ayıppwldı tölep, Aqmola oblısınıñ işki ister departementine twraqtı tirkeuge qoyu turalı ötinişpen barğanda olar: «Qıtayğa şığıp ketu vizasın aşıp beremiz. Sosın, Qazaqstan Respublikasına kez-kelgen vizamen ayıppwldı tölegen sätten bastap 1 (bir) jıl ötkennen keyin keluiñiz qajet» dep şığarıp saladı.

Qazaqstanda twraqtı qalu üşin otbasımen köşip kelip alğan bwl azamattar endi qayda bararın, ne isterin bilmey bası qatuda.

Qıtayğa qaytsa, ol jaqtıñ qazir jürgizip jatqan asa qiın sayasatınıñ salqını tiip, türmege qamalamız ba dep qorqadı.

Sizden bwl istiñ ädil şeşimin tauıp, atalğan azamattardıñ Otanında qaluına järdem etuiñizdi swraymız!

Abai.kz

4 pikir