Bizding qazaq sharshaghanda da, boldyryp, qaljyrap, qajyp, talyp, mәngirip әbden bitti dese de bolady.

Mine, shiyrek ghasyrdan asyp barady, osy memleketti qúrushy negizgi últ - bir ghana qazaq últynyng jaghdayy týzeletin emes. Býkil eldi jemqorlyq, jeng úshynan jalghasushylyq, memleketting barsha jer asty jәne jer ýsti qazba baylyqtaryn jappay tonau jәne «tistegenning auzyna, ústaghannyng qolyna» bere salu, qazaq jerin sheteldikterge qalay da satugha talpynghan biylikting bet alysy jaman, mektepterge zorlap engizilgen ýsh tildilik, telearnalardy jaulap alghan arsyzdyq, úyatsyzdyq, namyssyzdyq, negizinen qazaqtar túratyn auyldardyng qúryp bara jatuy, t.b. súmyray zansyzdyqtar endep alghaly qashan!..

Júmyssyzdyq, tilsizdik, dinsizdik, azghyndyq, ýmitsizdik, әsirese últ erteni – qazaq jastaryn ezip, janshyp, toz-tozyn shygharyp, bastary aughan jaqqa tentiretip jibergen dese de bolady...

Ashyghyn aitqanda, Qazaqtan basqanyng bәri bay, qazaqtyng tilin mensinbeytinderding barlyghy derlik biylikte.

Búdan qazaq qalay qútylady?

Tayauda ghana AQSh jariyalaghan «Kremli tizimi» úly kórshimiz biyligining basyna ýiirilgen qaraly búlt dese de bolady. Orekender basyna ýiirilgen ol qara búlt orys halqyn jappay kóshege alyp shyghatyn sәt te alys emes siyaqty...

Turasyn aitqanda búl orys biyligining basyna týskeli túrghan qara dauyl jaghdaydyng aina-qatesiz kóshirmesi bizde de qaytalanatyn kýn alys emes deydi sarapshylar. Múndaydy bizding qazaq bayaghy da aq: «Myng asqangha bir tosqan» dep aityp qoyghan. Toy degendi, úyat degendi bilmeytin qúl-qútandardyng jer betinen typ-tipyl joghalatyn kýni jaqyndap kele me, ol jaghyn men tap basyp aita almaymyn. Bәrine uaqyt tóreshi...

Toq eterin aitqanda, AQSh «Kremli tiziminin» qara dauyly bizdi ainalyp ótpeytin siyaqty...

Júmash Kókbóri

Abai.kz