Jwma, 19 Şilde 2019
Jañalıqtar 2018 0 pikir 27 Naurız, 2018 sağat 15:15

«Arqadan Alatauğa sälem!» (foto)

Elordanıñ 20 jıldığı men «Ruhani jañğıru» bağdarlamasınıñ ayasında «Astana Musical» teatrı Almatı qalasına «Elordadan Alatauğa sälem» attı gastrol'dik turne ötkizip jatır.

Teatrdıñ körkemdik jetekşisi - Qazaqstannıñ eñbek siñirgen qayratkeri, PhD doktorı Ashat Maemirov. Rejisser - Aman Gumarov jäne Myuzikl qoyılımdarında bastı rölderdi somdauşı ärtister, respublikalıq jäne halıqaralıq bayqaulardıñ laureattarı Şalqarova Jarqınay, Mwqaşev Salamat, Rizabekova Inabat, Igilik Orazalı, Usmanov Rasul.

Elordalıq teatr 23,24,27 naurız künderi alğaş ret qazaq tilinde ün qatqan düniejüzine belgili myuzikl – «Romeo jäne Djul'etta» qoyılımın sahnaladı. Naurızdıñ 25 jwldızı küni «Dostar serti» myuzikli wsınıldı. Al 26 naurız küni teatr ärtisteri elimizdiñ ruhani qwndılıqtarına aynalğan halıq änderi men kompozitorlarınıñ şığarmaları, wlttıq operamız ben klassikalıq muzıkamızdıñ inju-marjandarı negizinde jasalğan «Qız Jibek» etno-fol'klorlıq myuziklin qalıñ jwrtşılıq nazarına wsındı. Atalğan myuzikl «Jahandağı zamanaui qazaqstandıq mädeniet» jobası şeñberinde 2017 jılğı jeltoqsan ayında Franciya, Bel'giya, Avstriya, Resey memleketterinde sahnalanıp, Europanı dür silkindirip qaytqan.

Sonımen qosa, 26 naurız küni Mwqağali Maqataevtıñ şığarmalarına negizdelgen – «Jırlaydı jürek» attı muzıkalıq-poetikalıq spektakli de qoyıldı.

Oljas Ibraev «Astana Musical» teatrınıñ äkimşilik direktorı:

-Biz osıdan 2 jıl bwrın qwrılğan elimizdegi eñ jas teatrmız. Qazaqstan Respublikasınıñ Mädeniet jäne sport minstrliginiñ qoldauımen jäne  teatrımızdıñ jetekşisi - Qazaqstannıñ eñbek siñirgen qayratkeri, Ashat Maemirovtıñ körkemdik jetekşiligimen qwrılğan teatr.

Biz gastrol'dik saparımızdı Almatıdan bastağan sebebimiz, Almatı öner- Astanası. Bwl jerde qazaq teatr öneriniñ qara şañırağı Äuezov teatrınıñ sahnasına şığıp, batasın aludı dwrıs dep sanadıq. Osıdan keyin Şımkent, Taraz, Atırau qalalarına turne josparlanıp jatır. Bwğan deyin Europanıñ 5 qalasında bolıp qaytıq.   

«Astana Musical» -  elimizdegi jäne Ortalıq Aziyadağı twñğış mamandırılğan myuzikl teatrı. Myuzikl – wltımızğa äli de tañsıqtau janr bolğandıqtan da Almatı törine ayaq basqan jas teatrdıñ önerin tamaşalap, qoldau bildirip jatqan halıqtıñ qarası da köp.

Ashat Maemirov, M.Äuezov atındağı Qazaq memlekettik akademiyalıq drama teatrı direktorı:

Jas körermenderdiñ swranısınan, uaqıt talabınan tuındağan «Astana Musical» teatrı. Bwl teatrdıñ düniege keluine sebepker bolğan Elbasımız – N.Ä.Nazarbaev. Öner keñistiginde jas ärtisterdiñ  basın biriktiretin öner wjımın jasau kerek boldı. Ärine, onı öz kezeginde naqtı iske asırğan Mädeniet jäne sport minstri Arıstanbek Mwhamediwlı. Alatauğa osı jolı kelui jas wjım üşin bir jağınan sizderge esep beru, kieli öner ordasınıñ batasın alu. Sondıqtan sonday ülken jauapkerşilikpen kelip jatır.

Kögerşin Tilegen

Abai.kz

0 pikir