Jeksenbi, 16 Jeltoqsan 2018
46 - söz 1436 0 pikir 14 Mamır, 2018 sağat 11:35

Halıqtıq önerge kim qarsı?

2010-2011jj. Qazaq radiosındağı "Qayırlı tañ, Qazaq eli" tañğı bağdarlamasın tikeley efirde jürgizetin kezim. Meniñ wstanımım boyınşa, 3 sağattıq tañğı efirde keminde 3 şığarma halıq aspaptarında orındalu kerek. Atap aytqanda, qaytken künde de bir än(dombıramen), bir terme, bir küy berudi parızım sanauşı em. Alğaşqı aptalarda kedergisiz berildi. Keyinnen qarsılıqqa tap boldım. Bağdarlama jetekşisi rwqsat berip qol qoyıp bergen än-küylerge sol kezdegi bas redaktor(dau-damay, iritki bolmas üşin atın atamay-aq qoyayın) "beruge bolmaydı" dep sızıp tastaytın. Men qadala sebebin swradım. Onıñ bergen jauabı: "täñerteñ berilgen dästürli än-küy, terme adamdardıñ köñil-küyin bwzadı". Külkimniñ kelgeni sonşa jarılıp kete jazdasam da sabır saqtap til qattım: "men "elim-aydı", "qara pimanı", t,b, berip jatqam joq qoy. Onıñ üstine, bwrınğı babalar tañdı-tañğa jalğap än salıp, küy tartısıp, jır jırlağanda qalay ğana köñili bwzılmay aman qalğan?". "Aytqandı tıñdap estradağa auıstır" dep "basşılıq lauazımına say" nwsqauın berip şığarıp saldı...

Qazaqtıñ radiosında halıqtıñ töl muzıkalıq mwrası nasihattalamasa odan asqan qorlıq bolmas. Onıñ üstine sol kezdegi tañğı bağdarlama eñ köp tıñdalatın, tıñdauşısı mol, qoğamdıq pikir qalıptastıru qauqarı bar, özgelerdi sanastıra alatın deñgeyde edi. Älgi nwsqaumen toqtap qalmay dästürli än-küylerdiñ ebin tauıp berip jürdik. Onda da, "pälen kompozitordıñ tuğan küni edi, mereytoyına oray tañdap aldıq, eske alu keşi ötedi eken", – degen jeleumen tağı biraz uaqıt efirde halıqtıñ mwrasın däripteuge tırıstım.

Tağı bir küni älgi bas redaktor barlıq dästürli ändi sızıp twrıp, "bwlardı berme dedim ğoy" , – dep qatqıldau ün qattı. Tağı da aqtay otırıp sebebin swradım. Ol: Astanadan "bermeñder, beruge bolmaydı, tıñdarmannıñ köñil-küyin bwzadı dep jatır", – dedi. "Naqtı kim ayttı?" – degen saualıma jauap qatpadı. Tañ qalmasqa, renjimeske şara joq. Özi keyde qaybir ändi köbirek berudi mindetteytini bar. Al dästürge kelgende aytarı anau....

Sol kezdegi sızılıp qalğan än kesteleri mende äli künge saqtaulı. Keste tügili, qazaqtıñ muzıkalıq mwrasına degen qarsılıq ta köñilimnen ketken emes. Şınımen de, wlttıq önerdi nasihattauğa kim kedergi?

Jarqın Sälenwlınıñ Facebook-tegi paraqşasınan

Abai.kz

0 pikir