Särsenbi, 14 Qaraşa 2018
Dep jatır 5531 11 pikir 29 Mamır, 2018 sağat 09:09

Qwl-Kerim Elemes. Qazaq eli nege ünsiz?

Qıtay - özindegi qazaqtı twtas küyinde qorlap, erin - qor, äyel-qızın - qatın, tilin - twl, dilin - kül etip, külli halıqtı qara düz qılmısker etedi eken de, mwndağı qazaqpen dos bolmaqşı-mıs. Ne degen dostıq bwl?

Qıtay qazağınıñ qazirgi jan türşigerlik auır häli jalpı qazaqtıñ da häli. Olardıñ basındağı auır iske ara tusuge jaramau qazirgi el biliginiñ müşkil jayın nemese memlekettiñ negizgi wltına tän asa mañızdı isterge mülde qam-hareketsiz (bey-şara) ekenin körsetedi. Bwl isti bwdan bılay da osı küyinde qaldıru bilikten el körgisi kelgen biliktiligi men bedelinen ayıradı…

OYAN, EY, QAZAQ ELİ, OYAN!…

Qorlauşılar olqaña qol saluda…

BİZ DERBES MEMLEKETTİKTE QITAY QAZAĞINIÑ QAZİRGİ HÄLİMEN SINALUDAMIZ…

Qazaqqa qazaq şınımen kerek bolmay qaldı ma?

Nege ünsizbiz?

BİZDE ZIYALI BAR MA?

Ziyalı dinin, wltın süygen twlğa-dür. Ziyalılıq sol eki qasietti wlıqtaumen twlğalanadı.

Demek, bizde bwl twrpattağı ziyalı joq…

PANA İZDEGEN TORĞAYIÑA PANA BOL…

Qandasıñdı (Sayragül Sauıtbayqızın) qaytarma (ölimge baylap berme), ou, Qazaqiyam! Ol seni «bar» dep, seni pana twtıp keldi. Onı qaytarsañ ondağı külli qazaqtıñ tauın şağasıñ! Ümitin üzesiñ! Tileuin kesesiñ! Senimin joyasıñ! Söytip olar senen bet bwradı. Sağan keri tilek aytadı…

«Mazwlımnıñ (zwlımdıq köruşiniñ) dwğası qabıl» — degen.

Jiberme onı…

Ondağı qandasıñ Iesi bar ekenin körsin!

Ümiti jansın!

Jigeri qayralsın!

Ruhı düzdensin!…

Söyt!

Tektesiñe ie bol!

Solay etu eldik, qandastıq qaqıñ, ey, Qazaqiyam!

Qarınıñ aşsa aşsın, qadiriñ qaşpasın! Kesimsizdik qazaqtıñ wlttıq minezine jat…

«Qırıq jıl atan bolğanşa, bir kün bura bolu» — wltımızdıñ ejelgi wlttıq wstanımı.

Qazaq osı wstanımımen büginge jetti.

Onı erteñine — bolaşağına jetkizetin de osı wstanımı, Inşallah…

Qwl-Kerim Elemes

Abai.kz

11 pikir