Jwma, 16 Qaraşa 2018
Bilgenge marjan 3520 0 pikir 14 Mausım, 2018 sağat 15:38

«Auıldan qarağanda qalada jwmıs isteu oñayıraq...»

Däriger. Bügingi küni joğarı swranısqa ie mamandıqtardıñ biri. Jauaptı da jügi auır salanıñ tizginin wstağan jandarğa halıqtıñ rizaşılığı da erekşe. Aq halattı abzal jan dep qwrmettep, ärbir nauqasqa tanıtıp jürgen erekşe qamqorlıqtarı üşin alğıstarın jaudırıp jatadı. Endeşe, osınday erekşe  mamandıqtıñ iesi, bügingi tañda Pavlodar oblısı, Lebyaji audanı, Aqqu auılınıñ Lebyaji audandıq auruhanasında hirurg däriger bolıp qızmet atqarıp jürgen, Nwrbekov Aydos Älimwlımen swhbattasqan edik.

-Aydos Älimwlı, öziñiz jaylı qısqaşa aytıp ötseñiz?

-Men 1988 jılı Almatı oblısı, Taldıqorğan qalasında düniege kelgenmin. 1991 jıldarğa qaray otbasımızben birge Semey qalasına köşip keldik. Semey jerinde alğaş balabaqşağa barıp, mektep tabaldırığın tämämdap, medicinalıq kolledj tülegi atandım. Odan keyin Semey Medicinalıq Akademiyasına oquğa tüstip, 2009-2016 jıldar aralığında sol oqu ordasın ayaqtap şıqtım. 2016 jıldan beri Lebyaji audandıq auruhanasında alğaşqı jwmıs jolımdı bastadım.

-Nelikten osı mamandıqtı tañdadıñız?

-Däriger boludı mektep kezinen bastap armandadım. 7-8 sınıpta oqıp jürgen kezimde hirurg mamandığına erekşe qızığuşılıq tanıttım. Men üşin bwl sala basqa därigerlerge qarağanda 1 satı joğarı twratın siyaqtı elestedi. Adam ömiriniñ araşası bolatın därigerlik mindetti arqalap jürudiñ özi oñay emes. Jalpı, osı bala armanıma türtki bolıp, küş bergen Almatı oblısında Abay degen bir bilikti hirurg bir özi 500-den asa ota jasağan eken. Sol adamnıñ bergen swhbattarına zer salu arqılı men de maqsatqa jetu jolında ayanbay eñbek etuge tırıstım. Oğan qosa, tuıstarımnıñ işinde de därigerler joq emes. Türli äñgimelerin estip otıratın edim.

 

-Bolaşaqta qanday josparlarıñız bar?

-Äri qaray osı hirurgiya salasında bilimimdi şıñdap, rezidentura joğarğısın oqıp, PhD doktoranturağa tapsıratın oy da bar.

-Därigerlik jolda qanday qiındıqtar kezdesti?

-Jalpı osı mamandıqqa alğaş ayaq basqannan bastap türli qiındıqtarğa jolıqtım. YAğni, studenttik kezden bastap, köptegen qiındıqtar bolıp jattı. Sebebi, mamandıq adam ömirimen, qauipsizdigimen, elimizdiñ bolaşağımen tikeley baylanıstı bolğandıqtan da student kezinde bizderge köp mindetter jükteldi. Ärine, bwl qiındıqtardıñ tüpki negizi bilikti de bilimdi däriger şığaru üşin tuındaydı ğoy. Basqa student jastar siyaqtı emes, köp jerge qıdırıp bara almaysıñ. Bos uaqıtıñ bola qalsa boldı, kitaphanağa barıp otıratın edim. Ol kezde kitaptı üyge bermeytin, sol jerde konspekt jasap, barınşa izdenetin edik.  Sebebi, bir taqırıptı oqımasaq, ekinşi küni oğan basqa taqırıp qosılıp qiınday tüsetin. Oqu bitirgenge deyin de, bitirgen soñ da barınşa sabırlıqtı, tabandılıqtı boyğa jinay tüstim.

-Bos uaqıtıñızda qanday ispen aynalısqandı wnatasız?

-Negizinde bos uaqıt boladı dep te ayta almaymın. Bizde kezekşilik, türli şaqırular da köp boladı. Al demalıs tek arnayı otpusk alğan kezde ğana boladı. Sol üşin de är uaqıttı erekşe bağalap, basqa adamdar demalıp jatqan kezde biz adamdardıñ amandığı üşin ter tögetinimizge riza da bolamın.

-Key kezderi nelikten osı mamandıqtı tañdadım degen oy tuınday ma?

-Jii boladı... Keyde oylaymın, nege osı mamandıqtı tañdadım eken, nege jeñil mamandıq tañdamadım eken degen oylar da payda bolıp jatadı. Biraq, artınan özimdi-özim jwbatamın. Bası aşı bolsa, soñı tätti boladı...

-Elimizdiñ densaulıq saqtau salasına qanday bağa berer ediñiz?

-Biz endi damuşı memleket bolğandıqtan da, medicina endi-endi damıp kele jatır. Onıñ işinde hirurgiya salasınıñ ayaq alısı da jaman emes. Nebir bilikti de bilimdi mamandar Izral', AQŞ sındı täjirbiesi mol elderge barıp biliktilik almasuda. Aldağı birer jılda bizdiñ densaulıq saqtau salası da älemdik deñgeyge köterile aladı degen oydamın. Sebebi, memleket tarapınan körsetilip jatqan erekşe qoldaudıñ arqasında bäri de alğa jıljıp keledi.

 

-Auılğa alğaş jwmısqa twrğan kezde sizdi qalay qabıldadı?  

-Auılda alğaş kelgen kezden bastap öte jaqsı qabıldadı. Bwrınnan beri tanitın tanıstarı retinde, öz ortalarına birden kirgizip, qoldau körsetken auruhana wjımına da rizamın. Audan äkimi, bas därigerimizdiñ özderi de barınşa qoldauların körsetti. Basımızğa baspana berip, qamtamasız etti. Sol üşin de rizaşılığımdı bildiremin.

-Mıqtı däriger bolu üşin qanday qasietter qajet?

-Birinşiden, niet. Öz mamandığıñızğa degen erekşe süyispenşilik. Eger de mamandıqtı öz jürek qalauıñızben emes, basqa bireulerdiñ aytuı boyınşa tañdasañız, ol mamannan eşqanday da mıqtı däriger şıqpaydı. Ekinşiden, ayanbay izdenip, oqu kerek. Qanday qiındıq tuındasa da sabırlıq tanıtu qajet. 9 jılğı bilimdi qanağat twtpau kerek, äri qaray da izdenis üstinde bolu qajet.

-Audan men qalada jwmıs isteudiñ qanday ayırmaşılıq bayqadıñız?

-Audanmen salıstırsañız, qalada jwmı isteu oñayğa tüsedi. Nelikten? Sebebi, barlıq qwrılğılardı qiındıqsız paydalana alasız jäne qoljetimdi. Audanda mamandar da az jäne de keybir zertteu qwraldarın da taba almay jatamız. Ärine, bwrınğımen salıstırğan qalanıñ jağdayına da jetip kele  jatırmız. Kerekti laboratoriyalar da alıp jatırmız jäne jas mamandar sanı da ösip jatır. Aldağı uaqıtta qalanıñ deñgeyine köterilip te ülgerermiz.

-Qanday armanıñız bar?

-Eñ bastı armanım professor bolu da, şetelge ketu de emes. Öz isimniñ bilikti mamanı bolıp, Qazaqstan Respublikasına, tım bolmağanda Pavlodar oblısına eñbegi siñgen däriger atanıp, halıqqa kömegim tiisse eken deymin. Sebebi, bala kezgi armanım jetelep, osınday därejege jetkizdi. Eñbek pen tabandılıqtıñ arqasında nauqastardı emdep, kişkene bolsın kömegim tiip jatır. Aldağı uaqıtta qanday jağdaylar bolsın, qay jerde jürsem de öz mamandığımdı adal atqarıp, bilimimdi jetildiruge bar küşimdi salatın bolamın.

Swhbatıñızğa rahmet!

Swhbattasqan Kögerşin Tilegen

0 pikir