Jwma, 20 Qırküyek 2019
Dep jatır 1235 1 pikir 9 Qaraşa, 2018 sağat 10:46

Däuren Abaev «Kökjaylau» tau kurortı qajet ekenin ayttı

Bügingi tañda Qazaqstanda tau kurortına degen swranıs artıp keledi. «Şımbwlaqqa» keluşilerdiñ şamadan tıs köbeyui de osını rastaydı. «Habar» telearnasındağı «Aşıq äñgime» bağdarlamasında QR Aqparat jäne kommunikaciyalar ministri Däuren Abaev osınday pikir ayttı, dep habarlaydı QazAqparat tilşisi.

Swhbat kezinde Däuren Abaev «Şımbwlaq» tau kurortına keluşiler şamadan tıs artuına jäne osınday kurorttarğa degen swranıstıñ joğarı boluına baylanıstı, Almatıda tağı bir kurort salu qajet bolıp otırğanın ayttı.

«Bügingi tañda biz turizmdi damıtu üşin qolda bar rekreaciyalıq mümkindikterdi paydalanuğa tiispiz. Turizmniñ älemdik jalpı işki önimdegi ülesi 10 payızdan asadı, bwl 8 trln dollar degen söz. Biz turister üşin küresuimiz kerek. Qala mañında ornalasqan taular - Almatınıñ bastı artıqşılığı», - dedi ministr.

Almatıda kurort salu mäselesi äli talqılanıp jatır, al körşi elder tau-şañğı industriyasın qarqındı damıtuğa küş saluda.

«Mäselen, Özbekstanda 100 mln dollardan astam investiciya qwyu arqılı ülken kurort aşılmaq. Qırğızstannıñ Qaraköl audanında ülken eki kurort salınıp jatır. Äzerbayjanda endi ğana aşılğan tau-şañğı kurortına 100 mıñ adam barıp ülgerdi», - dedi D.Abaev.

Ministrlik basşısı 2014 jılı wsınılğan tau-şañğı kurortınıñ birinşi jobasında tabiğat landşaftın birşama özgertu közdelgenin, negizinen qaltalı şeteldikterge arnalğanın eske saldı.

Bwdan tıs, D.Abaev osı jobanı iske asıru kezinde barlıq ekologiyalıq mäseleler eskeriletinine senim bildirdi.

«Qazir äkimdik qwrılıs mäselesin qayta qarap şıqtı. Jıl boyı jwmıs isteytin, jwrttıñ bärine qoljetimdi kurort salu josparlanıp otır. Trassanıñ jospardağı wzındığı qısqardı, ğimarattardıñ aumağı şamamen 10 ese kişireydi. Osınıñ bäri ekologiyağa äserdi azaytadı», - dep tüyindedi ministr.

Abai.kz

1 pikir