Beysenbi, 27 Mausım 2019
1913 47 pikir 10 Qaraşa, 2018 sağat 13:13

«Pedagog märtebesi» turalı zañ jobasın dayındau bastaldı

«Pedagog märtebesi» turalı zañ jobasın dayındau bastaldı. Bwl turalı bügin QR Parlamenti Senatındağı Ükimet sağatında Bilim jäne ğılım vice-ministri El'mira Suhanberdieva ayttı, dep habarlaydı Abay-aqparat turkystan.kz-ge silteme jasap.

«Elbası tapsırmasına säykes «Pedagog märtebesi» turalı zañ jobasın dayındau bastaldı. Jwmıs tobı qwrıldı. Bügingi küni zañnıñ twjırımdama jobası äzirlendi. Zañ jobası äzirlegennen keyin ministrlik onı barlıq öñirdegi pedagogtar jäne ata-analar qauımdastığımen talqılaydı. Mindetti türde deputattardıñ aldında onı aytamız», - dedi vice-ministr.

Onıñ sözine qarağanda, elimizde jan basına qarjılandıru tetikterin engizu jalğasuda. Tiisti normativ bekitildi. Astana qalasında tolığımen 74 mektep jäne 11 jeke menşik mektepte engizilip jatır. Bwl jüye ädistemesinde bilim beru qajettilikteri bar balalarğa 2 ese joğarı qarjılandıru koeficenti qarastırılıp otır.

«Mektepterdiñ 58 payızında inklyuzivti bilim beruge jağday jasalğan. Bilim jäne ğılımdı damıtudıñ memlekettik bağdarlamasına säykes 2020 jılı inklyuzivti bilim beru 70 payızğa ösedi. Pedagogikalıq mamandıqtar boyınşa kadrlardı dayarlau ayasında inklyuzivti bilim beru päni mindetti bolıp sanaladı», - dedi ol.

Sonımen qatar, El'mira Suhanberdieva apattı mektepter men üş auısımmen oqıtu problemasına da toqtaldı.

«Bwl problemanı şeşu üşin biz jıl sayın 100-den astam mektepti salıp jatırmız. Biıl 53 mlrd teñgege 108 mektep salınuda. 3 jıldıq byudjette 97 mlrd teñgege 73 jaña mekteptiñ qwrılısı qoldau taptı. Onıñ işinde 50 mlrd teñgege 34 mektep bar.  Üş auısımdı mektep mäselesin şeşu üşin 33 mektep twrğızıluda. Tağı 30 mektep aldağı 3 jılda salınadı. Onıñ 19-ı bölingen 50 mlrd teñge ayasında qarastırıladı.  Olardı salu respublikalıq byudjet esebinde qoldau taptı. 41 mektepti jergilikti organdar özderi saladı. Al 9 mektepti jekemenşik investorlardıñ kömegimen twrğızamız», - dedi ol.

Abai.kz

47 pikir