Seysenbi, 25 Mausım 2019
689 0 pikir 13 Qaraşa, 2018 sağat 09:35

Almatı äkimi qalanıñ kommunaldıq qızmetiniñ aldağı qısqa dayındığın tekserdi

Bauırjan Baybek megapolistiñ barlıq audandarına qala twrğındarınıñ qardı uaqtılı tazartu jäne özge de ötinimderine şwğıl nazar audaru üşin «jedel» jeli men uçaske bastıqtarınıñ, audan äkimderi orınbasalarınıñ baylanıs nömirleri jazılğan aqparattıq stend ornatudı tapsırdı. Bwl aqparat Almatı twrğındarına qoljetimdi bolu üşin Ğalamtor jelisine aşıq türde jariyalanadı.

Almatı köşelerin rekonstrukciyalau ayasında jäne «Qala adamdar üşin» koncepciyasın jüzege asıru barısında kommunaldı qızmetke jayau jürginşiler trotuarların, ayaldamalardı jedel tazartu, aulalar işin tazartuda PIK-terdiñ jwmısın küşeytu qajettigi eskertildi. Osı iske jauaptı merdigerlik wyımdardıñ jwmısın Almatı qalasınıñ Tabiği resurstar jäne tabiğattı paydalanudı retteu basqarması baqılaytın boladı.

«Qalanı rekonstrukciyalauğa baylanıstı jañarğan dañğıldar men köşelerde arnayı tehnika, onıñ işinde köpfunkcionaldı Pony maşinaları, mini jüktiegişter, jeñil traktorlar jwmıs isteytin boladı. Al jwmısşılar töselgen zattarğa eş aqau tüsirmeytin arnayı qwraldardı paydalanadı», - dedi basqarma bastığı Äset Masabaev.

Ol öziniñ sözinde qalada qardan tazartılatın joldıñ jalpı kölemi 20 mln. m².ekenin ayttı. Köşelerdi qısta 13 merdigerlik wyım, 1285 arnayı tehnika birligi tazartadı. Jol tazalaytın jwmısşılar sanın 1700-den 3200 adamğa jetkizu josparlanğan.

Audandar boyınşa öndiristik bazalar qwrılğan, bwl qar tazalau jwmıstarın 1,5 ese jedeldetedi. Jwmısşılar dislokaciyası janına modul'dı konteynerler qoyıladı, olar sol jerde kiinip, jılınıp, ıstıq as işedi. Policiya jäne Qwtqaru qızmetimen birge evakuator kezekşiligi wyımdastırıladı jäne sıpıru-jinau tehnikaları qatar jüredi.

Abai.kz

0 pikir