Düysenbi, 22 Şilde 2019
Bilik 933 0 pikir 27 Qaraşa, 2018 sağat 13:18

Janat Eşmağambetov: Äleumettik az qamtılğan twrğındarğa advokattıq qızmet tegin wsınıluı mümkin

Ädilet ministrligi äleumettik jağınan az qamtılğan twrğındarğa advokattıq qızmetti tegin wsınu jağın qarastırıp jatır, - dep habarlaydı Abay-aqparat.

Probono jüyesi boyınşa advokattar tegin zañgerlik kömek körsetui tiis. Mwnday jüye älemniñ köptegen elinde bar.

Bwl turalı elimizdiñ Ädilet ministriniñ orınbasarı Janat Eşmağambetov ayttı. Parlament Mäjilisiniñ zañnama jäne sot-qwqıqtıq reforma komiteti otırısında «Advokattıq qızmet jäne zañ kömegi turalı» zañ jobasınıñ tanıstırılımı ötti.

Ministrlik ökilderiniñ aytuınşa, elimizde advokattar jetispeydi. Qazir 4 mıñ 700 ge juıq qorğauşı bar. Adam basına şaqqanda 4 mıñ twrğınğa bir advokattan keledi. Zañ jobasında advokattar alqasına tölenetin qabıldau jarnasın jeñildetu mäselesi de qaralıp jatır. Mäselen, ümitkerler advokattar alqasında aqı tölep tağılımdamadan ötuge, sonday-aq bastapqı jarnanı töleuge mindetti. Bwğan şamamen 1 mln teñgege juıq qarjı ketedi.

«Bwl salanıñ damuına öz kedergisin keltirip otır», – deydi Janat Eşmağambetov. Ayta keteyik, soñğı üş jılda advokattar sanı tek 300 mamanğa ğana köbeygen.

Janat Eşmağambetov, QR Ädilet ministriniñ orınbasarı: 

– Qabıldau jarnasınıñ özi bwl – müliktik kedergi. Advokat bolu üşin birneşe kezeñ bar. Aldımen täjiribeden ötedi. Odan soñ sertifikat alıp, attestaciyadan ötui tiis. Mwnıñ bärinde mamannıñ käsibi biliktiligi tekseriledi. Al qabıldau jarnası eşqanday bilimdi teksermeydi. Tek kedergi. Täjiribeden ötuge bir jılda şamamen 200-250 mıñ teñge ketedi. Oğan 700-800 mıñ teñge jarnanı qosıñız. Bwl degeniñiz jas maman üşin oñay qarajat emes qoy.

Abai.kz

0 pikir