Jeksenbi, 17 Aqpan 2019
«Soqır» Femida 1558 25 pikir 21 Jeltoqsan, 2018 sağat 07:28

Q.Toqaev: Ükimettiñ jwmısı öte naşar

Senatqa zañ jobalarınıñ keluinde birqalıptı jüye joq. Şın mäninde, öte salmaqtı äri kürdeli zañ jobaları boyınşa qısqa merzimde jwmıs isteuge tura keledi. Tiisti tüzetuler asa qauırt, qarbalaspen engiziledi. Bizdiñ wsınısımızdı Ükimet nazarına aladı dep oylaymın. Ükimettiñ ökildigine qatıstı aytarım, Sizderge jwmıstı isteu kerek qoy. Sizderdiñ jwmıstarıñız öte naşar.

Senat Törağası bügingi Senat otırısında Ükimetke osınday eskertu jasadı.

«Zañ jobaların Senattıñ qarauına wsınu merzimderine qatıstı osınday keleñsiz jağdaylardıñ qayta orın aluına jol bermeu qajet. Osı mäselege Ükimettiñ nazarın ayrıqşa audaramın», - dedi Qasım-Jomart Toqaev.

Bügingi otırıstıñ kün tärtibine öte mañızdı zañ jobaları engizilip otırğanın, onıñ beseui Elbasınıñ Joldaularında ayqındalğan maqsattardı orındau üşin äzirlengen zañ jobaları ekenin aytqan Q. Toqaev «Elbasınıñ tapsırmaların orındauğa jıl basınan beri jetkilikti uaqıt bolğanına qaramastan, birneşe kürdeli zañ jobaları Senatqa jıl soñında ğana bir paketpen kelip tüsti. Senat deputattarı zañ jobaları mañızdı bolğandıqtan, asa qısqa merzimde qarap, talqılauğa mäjbür boldı», - dedi.

Jıl sayın qaytalanatın mwnday jağday qabıldanatın zañdardıñ sapasına oñ ıqpal etpeytini belgili. Mwnday keleñsiz jağdaylardıñ qayta-qayta orın aluına jol bermeu qajettigine Ükimettiñ nazarın ayrıqşa audarğan Q.Toqaev «Mañızdı zañ jobaları boyınşa Ükimet Parlament palatalarımen aldın ala üylesimdi jwmıs kestesin belgilep alğanı dwrıs», - dep eskertti.

Ädilbek Qaba

Abai.kz

25 pikir