Aldaghy uaqytta Latyn Amerikasynan asyl túqymdy mal jetkizu josparlanghan, dep xabarlaydy Abay-aqparat turkystan.kz-ge silteme jasap.

QR Auyl sharuashylyghy ministrligining aqparatyna sәikes, biyl shetelden 51 myng iri qarany satyp alugha qarjy bólingen. Osy uaqytqa deyin 14 myng bas Qazaqstangha jetkizildi, jaqyn arada taghy 3,8 myng asyl túqymdy iri qara jetkiziledi. Mal ónimderin óndeu men óndiru departamentining diyrektory Erkebúlan Axmetovtyng aituynsha, asyl túqymdy maldyng basym bóligi - Resey Federasiyasynyng ónimi.

«Osy uaqytqa deyin maldyng birshama bóligin Europa men Ukrainadan әkeldi. Sosyn 10 mynnan astam basty Amerikadan jetkizdi. Kelesi jyldan bastap asyl túqymdy maldy satyp alu geografiyasy keneyedi. Qazirgi kezde biz Avstraliyadan mal jetkizu joldaryn pysyqtap jatyrmyz. Búdan bólek, Latyn Amerikanyng Urugvay men Chily siyaqty memleketteri bar», - dedi E.Axmetov Astanada ótken baspasóz mәslixatynda.

Onyng sózine qaraghanda, asyl túqymdy maldy jetkizushi memleketterding bәri veterinarlyq talaptargha say keledi. Al ministrlikting ózinde iri qarany tasymaldaudyng naqty grafiygi bar.

«Jyl sonyna deyin jetkizilmegen maldar kelesi jyldyng nauryz aiyna deyin jetkiziledi. Negizi, jaqyn jәne alys shetelden maldy әkelu baghdarlamasy ekinshi jartyjyldyqta bastalghan bolatyn. Qazirgi kezde fermerler ótinishterin kóptep tapsyryp jatyr», - dep atap kórsetti E.Axmetov.

Abai.kz