Jwma, 20 Qırküyek 2019
1650 1 pikir 16 Qañtar, 2019 sağat 10:40

2019 jılı 141 memlekettik qızmetti elektrondı formatqa köşiru josparlanıp otır

Keşe QR Ükimetiniñ otırısınan keyin ötken baspasöz konferenciyasında aqparat jäne kommunikaciyalar vice-ministri Dinara Şeglova memlekettik qızmetti elektrondıq formatqa köşiru boyınşa aldağı josparlar turalı äñgimeledi.

Elbasınıñ Joldauında memlekettik qızmetterdi elektrondı formatqa köşiru boyınşa belgili KPI engizilgen bolatın. Maqsatqa jetu üşin 400-den astam memlekettik qızmetti elektrondı formatta körsetu biznes-üderisi oñtaylandırıldı. 2019 jılı 141 memlekettik qızmet elektrondı formatqa köşirilmek. 2020 jılğa qaray QR AKM elektrondı formatqa memlekettik qızmetterdiñ 90% köşiru josparlanğan.

Sonımen qatar, qazirgi uaqıtta memlekettik qızmetter tiziliminde twrmağan «köleñkeli» memlekettik qızmetterdi anıqtau boyınşa jwmıs jürgizilude.

D. Şeglovanıñ aytuınşa, QR AKM halıq arasında aqparattıq-tüsindiru jwmıstarın jürgizip jatır. 2018 jılı äkimdiktermen birge 700 mıñ adam sandıq sauattılıq bilimin arttırğan. Sonımen qatar, «Azamattarğa arnalğan Ükimet» memlekettik korporaciyası» KEAQ Connection Point, telegram-bot arqılı öz-özine qızmet körsetu alañdarında keñes beredi.

Sonday-aq baspasöz konferenciyası barısında elektrondıq cifrlıq qoltañbanıñ qauipsizdik mäseleleri köterildi.

«Azamattarğa arnalğan ükimet» memlekettik korporaciyası» KEAQ basqarma törağası Abılayhan Ospanov bügingi elektrondıq cifrlıq qoltañbanı öte aşıq mehanizm dep sanaydı. Onı tek memlekettik, memlekettik sıñaylı wyımdar ğana emes, sonday-aq jeke wyımdar da paydalana aladı.

«Büginde narıqta köptegen wyımdar, onıñ işinde jekemenşik wyımdar qoldanatın startaptar bar. Men elektrondı cifrlıq qoltañba arqılı biznespen kelisimşartqa twratın alañ jasay alatın jastardı da bilemin», — dedi A. Ospanov.

«Wlttıq aqparattıq tehnologiyalar» AQ basqarma törağası Äset Twrısov, öz kezeginde, elektrondıq cifrlıq qoltañbanı paydalanu kezinde qazaqstandıqtardıñ aqparattıq qauipsizdigi tolıq saqtalatının atap ötti.

«ECQ wlttıq kuälandıruşı ortalıq şığaradı. Bizde ol Qazaqstanda jalğız. Elektrondı cifrlıq qoltañba kelesi tehnikalıq qwrauşığa ie – eki kilti bar – jabıq jäne aşıq. ECQ kez kelgen paydalanu jağdayı, tipten jeke sektorda bolsa da, bizdiñ wlttıq kuälandıruşı ortalıqpen özara is-qimıl ornatadı, onda säykestik rastaladı. Bwl – azamattı taza säykestendiru jäne ECQ salu. Sondıqtan da mwnda qauipsizdik mäselesi aqparattıq qauipsizdiktiñ birıñğay talaptarına jäne Aqparat jäne kommunikaciyalar ministrligi twlğasındağı retteuşi talaptarına say keledi, yağni qauipsizdik tolıqtay qamtamasız etiledi», — dep tüsindirdi Ä. Twrısov.

Tüpnwsqa:  primeminister.kz
Abai.kz
1 pikir