Seysenbi, 23 Şilde 2019
998 5 pikir 11 Aqpan, 2019 sağat 13:27

Bilik bes qız ajal qwşqan Astanadağı örttiñ sebebin ayttı

Tötenşe jağdaylar komiteti Astanada bes qız qaza tapqan ört sebebin atadı . Bwl turalı Astana telearnası habarladı. 

Ört qauipsizdigi salasın baqılau jäne aldın alu basqarmasınıñ bastığı Jaswlan Aqtaevtıñ sözinşe, mwrjanıñ dwrıs ornatılmauı örtke sebep bolğan.

"Mwrjanı ornalıstıru kezinde ört qauipsizdigi erejeleri bwzılğan. Üydiñ töbesi men mwrjanıñ arasında bos jer bolmağan. Sonıñ saldarınan peşti paydalanğan kezde ört şıqqan" dedi ol.

Tötenşe jağdaylar komiteti ökili ört bolardan bir apta bwrın uaqıtşa baspananı komitet qızmetkerleri teksergenin habarlağan. Biraq Aqtaev tekseru kezinde üydiñ ört qauipsizdigi talaptarına qanşalıqtı say bolğanı turalı eşteñe aytpadı. Onıñ sözinşe, "twrğındar tekseruşilerdi köbine üylerine kirgizbeydi".

Komitet ökiliniñ sözinşe, Qazaqstanda jılına 15 mıñğa juıq ört tirkeledi. 2019 jılı bir ayda 116 adam örtten qaza tapqan.

4 aqpanğa qarağan tüni Astananıñ Köktal-1 şağın audanında jeke üydiñ aulasındağı uaqıtşa baspana örtenip, bir otbasındağı 2006, 2008, 2013, 2015 jäne 2018 jılı tuğan bes qız bala opat bolğan edi.​

Örtten soñ Astana äkimi Baqıt Swltanov şwğıl keñes ötkizip, audan äkimderinen policiya jäne tötenşe jağdaylar departamentterimen birlesip dereu qaladağı jeke twrğın üylerdi aralap şığudı jäne är üydiñ ört qauipsizdigi talaptarına säykestigin tekserudi talap etken. Äkim "Bwl sizderdiñ qatelikteriñiz" dep tötenşe jağdaylar qızmetin sökken.

Osı oqiğadan keyin köp balalı analar narazılığı küşeygen. Eldegi ört qauipsizdigine sın aytıla bastağan.

Abai.kz

5 pikir