Seysenbi, 17 Qırküyek 2019
1053 3 pikir 14 Naurız, 2019 sağat 12:19

Elimizde 21 mıñ teñge järdemaqı bir balası bar mwqtaj otbasılarğa da beriledi

QR Eñbek jäne halıqtı qorğau ministrligi ataulı äleumettik kömektiñ jaña şarttarın tüsindirdi. Oğan säykes, 21 mıñ teñgelik järdemaqığa köpbalalı otbasılar ğana emes, bir balası bar analar da ilige aladı, dep habarlaydı QazAqparat tilşisi.

«Ataulı äleumettik kömek köpbalalı jäne az qamtılğan otbasılarğa berilui şart. Bwl - Prezidenttiñ tapsırması. Al äleumettik jağınan az qamtılğan otbasıda bir bala nemese eki bala boluı mümkin ğoy. Onday otbasılardıñ bir aylıq tabısı adam basına şaqqanda 20 789 (künköris minimumnıñ 70 procenti - avt.) aspasa, bir balağa 21 mıñ teñgege juıq järdemaqı tağayındaladı», - dedi ministrliktiñ baspasöz qızmetkerleri.

Osı orayda mamandar bir balası bar otbasına jaña järdemaqı töleuge qatıstı mısaldı da keltirdi. Mäselen, bir äyel jalğız balasın asırap otır. Al onıñ bir aylıq jalaqısı 40 000 teñgeni qwraydı. Osı aqşanı eki adamğa bölgende tura 20 000 mıñnan keledi. Demek, otbasınıñ bir aylıq tabısı adam basına şaqqanda künköris minimumnıñ 70 procenti - 20 789 teñgeden aspaydı. Zañ boyınşa balağa 21 mıñ teñgeniñ järdemaqını tölenui kerek. «Al anasına 20 000 men 20 789 teñgeniñ ayırmaşılığı tölenedi. Sonda balanıñ järdemaqısın qosqanda atalğan otbası ay sayın 22 mıñ teñgege juıq ataulı äleumettik kömekti alıp twradı», - dep atap körsetti mamandar.

Ayta keteyik, «Nwr Otan» partiyasınıñ XVIII s'ezinde QR Prezidenti Nwrswltan Nazarbaev köpbalalı otbasılarda ärbir balanıñ tölemaqısın 21 mıñ teñgege deyin arttırudı tapsırdı. «Ükimetke äleumettik jağınan az qamtılğan azamattardı, äsirese, köpbalalı otbasılardı qoldau şaraların keñeytudi tapsıramın. Atalğan körsetkişti künköris deñgeyiniñ 70 payızına deyin jetkizuimiz kerek. Al ataulı kömek alıp otırğan köpbalalı otbasılardıñ ärbir balasına beriletin järdemaqını 21 mıñ teñgege deyin ösirudi tapsıramın. Atalğan kömekti barınşa jeñildetu kerek. Halıq arı-beri şapqılap jürmesin. Sosın onday otbasılardıñ tabısın eseptegende basqa äleumettik järdemaqılardı sanaudı alıp tastau qajet. Äytpese, sonıñ bärin sanağanda köpbalalı otbasılar jağday jaqsı azamattar bolıp şığa keledi», - degen bolatın N.Nazarbaev.

Jaqında Memleket basşısı atalğan şaralardı 1 säuirden bastaudı mindettedi.   QR Eñbek jäne xalıqtı äleumettik qorğau ministri Berdibek Saparbaev balalarğa beriletin 21 mıñ teñgeden bölek ata-anasına da qosımşa aqı tölenetinin jetkizdi.

Büginde elimizde künköristiñ minimumı 29 698 teñgeni qwraydı. Osı uaqıtqa deyin ataulı kömekti bir adamğa şaqqanda künköris deñgeyiniñ 50 procentinen, yağni 14 849 teñgeden aspaytın otbasılar alsa, endi Prezidenttiñ tapsırması boyınşa atalğan körsetkiş 70 procentke - 20 789 teñgege deyin köterilip otır. Demek, köpbalalı otbasınıñ jalpı tabısın ärbir adamğa bölgende aqşanıñ soması künköris deñgeyiniñ 70 procentine, yağni 20 789 teñgege jetpese, ärbir balağa 21 mıñ teñgeniñ järdemaqısı beriledi.

«Sosın eger janwyanıñ ärbir adamına şaqqanda tabıs künköris deñgeyinen (70 procentten - avt.) tömen bolsa, ayırmaşılıq 10 mıñ teñge bola ma, 7 mıñ teñge bola ma, sol ata-anasına da qosımşa tölenedi. Odan keyingi eñ ülken jeñildik, bwrın tabıstı eseptegende «Altın alqa» «Kümis alqa», köp balağa beriletin järdemaqı, mügedekterdiñ järdemaqısı men stipendiyası sanalatın. Endi, sonıñ bärin esepke almaydı», - deydi B.Saparbaev.

Zañ boyınşa ataulı äleumettik kömek 23 jasqa deyin tölenedi.

Abai.kz

3 pikir