Düysenbi, 25 Naurız 2019
1205 22 pikir 15 Naurız, 2019 sağat 12:38

Europarlament Qazaqstandağı adam qwqığı turalı qarar qabıldadı

14 naurızda Europarlament Qazaqstandağı adam qwqıqtarı mäselesi turalı qarar qabıldadı. Europarlament Qazaqstan biligin "adam qwqıqtarın qwrmettep, halıqaralıq talaptardı orındauğa, sayasi qudalaulardı toqtatuğa" şaqırdı.

Qwjatta Qazaqstan Qılmıstıq kodeksiniñ 174 jäne 274-baptarın (wltaralıq arazdıq qozdıru jäne jalğan aqparat taratu) qoldanu arqılı belsendiler men jurnalisterdi qudalaytını aytılğan.

Europarlament Astananı "Qazaqstannıñ demokratiyalıq tañdauı" qozğalısın ekstremistik wyım dep tanıp, onı qoldağandardı qudaladı" dep sınadı.

Europarlament rezolyuciyasında käsipodaq jetekşileri Nwrbek Qwşaqbaevtıñ, Ämin Eleusinovtiñ, Larisa Har'kovanıñ, belsendiler Ardaq Äşim, Maks Boqaev, Eskendir Erimbetov, Elena Semenova, Ablovas Jwmaevtıñ esmderi ataladı.

Rezolyuciyada "Qazaqstanda sayasi twtqındar artıp kele jatır. Äyelderge zorlıq-zombılıq jasaladı. LGBT ökilderine qısım köp" dep jazılğan.

Europarlament Qazaqstan biligin sayasi twtqındardı bosatudı, qwqıq qorğauşılar men täuelsiz käsipodaq wyımdarına qısımdı toqtatudı, BAQ turalı zañdı qayta qaraudı, demokratiya qwndılıqtarın bağalaudı talap etti.

"Qazaqstanda adam qwqıqtarı jıl sayın naşarlap baradı. Europarlament Qazaqstanğa qatıstı qanday da bir şara qabıldauı tiis" dedi deputat Heydi Hautala.

Abai.kz

22 pikir