Jwma, 18 Qazan 2019
994 2 pikir 15 Naurız, 2019 sağat 16:47

«Nur Otan»-nıñ aldağı jwmıstarınıñ negizgi bağıtı belgili boldı

Bwl turalı «Nur Otan» partiyası Törağasınıñ Birinşi orınbasarı Mäulen Äşimbaevtıñ törağalığımen ötken jiında aytıldı.

Öz sözinde Mäulen Äşimbaev partiyanıñ kezekti XVIII s'ezinde qabıldanğan jaña Bağdarlamasın jüzege asıru barısına nazar audardı. Atalğan qwjatta «Nur Otan»-nıñ aldağı on jılğa arnalğan naqtı 10 maqsatı körsetilgenin aytqan ol barlıq maqsat azamattardıñ äl-auqatın arttıruğa tikeley bağıttalğanın jetkizdi.

– Bağdarlama aldın ala dayındalatın josparğa säykes jüzege asırıladı. Josparda is-şaralardıñ naqtı maqsatı men mazmwnı körsetiledi. Qazirgi tañda Ükimetpen birlesip sol qwjattı dayındap jatırmız. Aldağı uaqıtta jospar aymaqtarğa jiberiledi. Soğan säykes partiya bağdarlamasındağı barlıq indikatorlar öñirlerdiñ damu josparına engizilui tiis, – dedi Mäulen Äşimbaev.

Sonımen birge «Nur Otan» partiyası Törağasınıñ Birinşi orınbasarı Memleket basşısınıñ S'ezde anıqtap bergen «Baqıttı otbası», «Qwttı meken», «Auıl – el besigi» jäne «Halıqqa kömek» jobaları turalı da ayttı.

– Aldağı uaqıtta osı tört joba partiya jwmısınıñ negizgi bağıtı boladı. Bwl bastamalardı wlttıq jobalar desek te, artıq emes. Sebebi, atalğan jobalar halıqtıñ ömir süru deñgeyin arttırıp, öñirlerdi damıtuğa qatıstı özekti mäselelerdi qamtidı. Sondıqtan partiyanıñ Ortalıq, aymaqtıq jäne aumaqtıq qwrılımdarı osı jobalardı tiimdi jüzege asıruğa küş jwmsauı tiis, – dedi Mäulen Äşimbaev.

Söz soñında partiya Törağasınıñ Birinşi orınbasarı «Nur Otan»-nıñ halıq pen bilikti baylanıstıratın altın köpir bolu kerektigine köñil böldi.

– S'ezden keyin partiyanıñ el damuındağı röli odan äri arta tüsti. Elbası bizge auqımdı mindetter jüktep otır. Halıqtıñ da s'ezde aytılğan şaralardan ülken ümit kütetini belgili. Sondıqtan partiya jaña qarqınmen, erekşe ekpinmen jwmıs isteui kerek, – dedi Mäulen Äşimbaev.

Jiında partiya Hatşıları qazaqstandıqtardıñ äl-auqatın arttıruğa bağıttalğan 4 äleumettik jobanı jüzege asırudıñ tiimdi joldarı turalı keñinen bayandap berdi.

Abai.kz

2 pikir