Býgin QR Industriya jәne infraqúrylymdyq damu ministrligining qaulysymen Astana temirjol vokzaly Núr-Súltan dep ózgertildi. Premier ministr Asqar Mamin qol qoyghan búl qújatta “qauly alghashqy resmy jariyalanghan kýninen bastap qoldanysqa engiziledi” dep kórsetilgen.

Al, juyrda Qazaqstannyng uaqytsha saylanghan Preziydenti Qasym-Jomart Toqaev Astana qalasynyng atauyn jәne oblys ortalyqtaryndaghy negizgi kóshelerdi Nur-Sultan dep atau turaly bastama kótergen bolatyn. Nәtiyjesinde, Elordanyng atauy bir sәtte Nur-Sultan bolyp ózgertildi. Al, birqatar qalalarda Abay, Tóle bi, Sәtbaev syndy túlghalardyng aty alynyp, ornyna eks-preziydentting esimi beriletin bolghan-dy. Artynsha halyq narazylyghy sebebimen búl kóshelerding aty ózgermeytin boldy.

Esterinizde bolsa, osydan bes jyl búryn “Astana Croup”-tyng sol kezdegi iyesi Núrlan Smaghúlov Preziydentke janadan salynyp jatqan EXPO nysanyn Núr-Plaza dep atau turaly úsynys aitqan edi. “Osy sender jaghynudy qaydan ýirenesinder?” degen Preziydent saualyna Smaghúlov “ómir ýiretti” dep jauap bergen bolatyn.

IYә, ómirding ýireter sabaghy kóp. Alayda, shendiler ómirden jaghynudy ghana ýirenetin sekildi.

Qosh, sonymen, aibarymyz bop túrghan Astana da eks-preziydentting esimimen ataldy. Shyn mәninde, bizding elde N.Nazarbaevtyng atyndaghy nysandar jetkilikti. Bir ghana elordanyng ózinde - Núr-Astana meshiti, Núrsúltan Nazarbaev ziyatkerlik mektebi, NúrOtan partiyasynyng bas ghimaraty, Núr-Álem paviliony, Núrly jol vokzaly, endi mine búl tizimdi Núr-Súltan temir jol vokzaly tolyqtyrdy. Al, byltyr ghana Almatyda Furmanovtyng atymen atalghan eng danghyl kóshe Núrsúltan Nazarbaev kóshesi dep atalghan bolatyn. Al, bizge beymәlim qalalar men oblys ortalyqtaryndaghy núrly ataular qanshama?

Jalpy, osy әreketterge qatysty san saualdar tuyndaydy. Birinshiden, búl nysandardy jәne qala atauyn ózgertuge qarajat qaydan alynady? Osynday әreketter keyingi úrpaqqa ne beredi? Eger múnyng barlyghy elding qarjysyna jasalsa, odan halyq qanday payda kóredi? Preziydent N.Nazarbaev osynday әreketterge mýddeli me? Jәne, shendilerding osy “enbekterinin” óteui ne bolady? Ony kim baghalaydy?

Juyrda ózbek Preziydenti Shavkat Mirziyeev Búhara oblysyna jasaghan júmys saparynda jergilikti sheneuniktermen kezdesti. Sol kezdesuinde maqtaudan tau túrghyzatyn shendilerge: “Qol soghyp qolpashtau men madaq aitudy toqtatu kerek. Onyng ornyna әr ýimen, әr adammen maqsatty týrde júmys isteu qajet. Júmys әr kóshege, әr adamnyng jeke ómirine әser etui tiyis” dep arnayy mәlimdeme jasady.

Múnday sózderdi N.Nazarbaev ta birneshe ret aitqan bolatyn. Biraq, ózderi aitqanday ómirden jaghynudy jaqsylap ýirengen bizding shendiler әzirge nәtiyje shygharar emes.

Týiin.

Shendilerding osynday bastamalary keyde halyqtyng kónilin basqa jaqqa búryp, eldi bir dýrliktiru ýshin jasalatynday kórinedi. Alayda, biylikke degen talaby kýn sayyn kýsheyip kele jatqan halyqqa búl da ótpeytin әdis. Sondyqtan, shendiler әrnәrsege alandamay, naqty júmys istese deymiz. Jәne, әr  tarihy túlghanyng shynayy baghasyn keyingi úrpaq pen tarih qana beretinin de eskeru qajet-aq.

Núrbiyke Beksúltanqyzy

Abai.kz