Jwma, 23 Tamız 2019
El işi... 1955 6 pikir 19 Säuir, 2019 sağat 11:38

Däri bağası qaşan retteledi, Birtanov mırza?

Bir otbası bir jılda 26300 teñgege däri-därmek aladı. Jalpı Qazaqstan boyınşa bwl şığınnıñ jıldıq kölemi 120 mlrd. teñge. Üstimizdegi jıldıñ alğaşqı toqsanında däri-därmek bağasınıñ 8,4 payızğa ösuine baylanıstı ol tağı da 10 mlrd. teñgege artqan.

Mäjilis deputatı Ayqın Qoñırov twtas emes, tañdap alınğandıqtan statistika organdarınıñ bwl körsetkişi jağdaydıñ tolıq sipatın bere almaydı deydi.

Onıñ aytuı boyınşa halıqtıñ däri-därmekke şığaratın şığını şın mäninde bwdan äldeqayda köp. Juırda memlekettiñ däri-därmekter bağasın retteuine mümkindik beretin zañ qabıldandı. Alayda tiisti memlekettik organ zañdı iske asırudıñ tetikterin oylastırıp, onı ırğalıp-jırğalıp engizgenşe däri-därmek satuşılar bağanı şarıqtatıp jibergen.  Sondıqtan däriniñ eñ ülken şekti körsetkişin memleket jaña bağanıñ deñgeyinen anıqtauğa mäjbür boladı.

Osığan alañdauşılıq bildirgen deputat A.Qoñırov densaulıq saqtau ministri Eljan Birtanovqa saual joldap, qalıptasqan jağdaydı zerttep, däri-därmek bağasın arttırudıñ sebepterin tabudı ötindi. Äytpese, bizdiñ halqımız, äsirese zeynet jasındağı adamdar oylarına kelgenin istep jatqan alıpsatarlardıñ oyınşığına aynalıp, aqşaların artıq töley berude deydi ol.

Sonımen birge deputat däri-därmek bağasın retteu boyınşa osı künge deyin qanday jwmıstar atqarılğanın jäne importtıq däri- därmekterdiñ bağasın teñge kursınıñ tömendeuine baylanıstı qımbattatpaudı swradı.

Serik Eleu, sarapşı

Abai.kz

6 pikir