Senbi, 21 Qırküyek 2019
1071 0 pikir 22 Säuir, 2019 sağat 10:10

Qazaqstan Prezidenti Qasım-Jomart Toqaev Qosşı auılına jwmıs saparımen bardı

Memleket basşısı jwmıs saparı barısında injenerlik-köliktik infraqwrılım ahualımen tanısıp, jergilikti su taratu stanciyasın aralap kördi. Qazaqstan Prezidentine sumen jäne elektr quatımen qamtamasız etu mäselesin şeşu jönindegi tapsırmanıñ orındaluı turalı bayandaldı.

Sonımen qatar, Qasım-Jomart Toqaev R.Qoşqarbaev atındağı №1 orta mektepke bardı. Memleket basşısı mwğalimdermen jäne oquşılarmen äñgimelesu barısında sapalı bilim alu üşin elimizde barlıq qajetti jağday jasalğanın ayttı.

Qazaqstan Prezidenti auıl twrğındarınıñ sanı jıldam ösip kele jatqanın, atalğan jağday azamattardıñ twrmıs sapasına keri äser etpeui kerek ekenin ayttı. Üş auısımdı mektepterdiñ mäselesin şeşuge bağıttalğan şaralarğa erekşe nazar audardı.

– Biz bwl mäseleni jaqsı bilemiz jäne Qosşı auılında 1200 orındıq mektep saludı josparlap otırmız. Tiisti qarajat bölindi. Atalğan mäsele meniñ baqılauımda boladı, – dedi Qasım-Jomart Toqaev.

Memleket basşısı bwl eldi mekenniñ halqı resmi eseptelgen mejeden köp artıp ketkenin ayttı.

– Statistikalıq mälimet boyınşa kent 16 mıñ adamğa eseptelgen. Biraq, is jüzinde 50 mıñnan astam halıq twradı. Bwl audannıñ äleumettik salasına ülken salmaq tüsiredi. Atalğan mäseleni oblıs basşılığımen talqılap, jüyeli türde şeşetin bolamız, – dedi Qazaqstan Prezidenti.

Sapar qorıtındısı boyınşa Memleket basşısı kemşilikterdi qalpına keltirip, auıldı odan äri damıtu üşin Ükimetke jäne Aqmola oblısınıñ äkimdigine naqtı tapsırmalar berdi.

Abai.kz

0 pikir