Seysenbi, 22 Qazan 2019
Äleumet 2269 2 pikir 6 Mamır, 2019 sağat 11:14

Twrğın üy alu üşin jeñildikpen nesielendiru: kriteriyleri jäne şarttarı

Jeñildikpen nesielendiru twrğın üy alu üşin köp balalı otbasılarğa wsınıladı. Bwl turalı QR IIDM Qwrılıs jäne twrğın üy-kommunaldıq şaruaşılıq isteri komitetiniñ törağası M. Jayımbetov ayttı.

Jeñildikpen nesielendiru az qamtılğan, köp balalı, tolıq emes jäne mümkindigi şekteuli balalardı tärbielep otırğan otbasılarğa arnalğan.

M. Jayımbetov atap ötkendey, Twrğın üy qwrılıs jinaq banki arqılı üş jıl boyı 50 mlrd teñgeden bölinip otıratın boladı. Barlığı 18 mıñ zaym bölinedi.

«Üş aynalım boladı dep josparlap otırmız. Sonda 25 jıl işinde 56 mıñ zaym bölinedi. 56 mıñ zaym – bwl tiisinşe, 56 mıñ päter. Payızdıq mölşerlemesi – 2%. Nesielendiru merzimi –20 jıl. Bastapqı jarnası –10%. 18 mıñ zaymğa 150 mlrd teñge bölindi», —  dedi Komitet törağası.

Onıñ aytuınşa,  2019 jılğı 1 qañtardağı jağday boyınşa twrğın üy alu kezeginde 487 mıñ adam twrdı. Onıñ işinde halıqtıñ äleumettik äljuaz toptarınan 220 mıñğa juıq adam bar. Köp balalı, az qamtılğan otbasılar — 28 126 adam. İ toqsanda olardıñ sanı 3 mıñ adamğa arttı. Qazir bwl kezekte 31 700 astam adam twr.

«7 jıl boyı jıl sayın äkimdikte kezekte twrğandar üşin 40 mıñnan astam jalğa beriletin twrğın üy salınadı. Jıl sayın 6 mıñ päter paydalanuğa beriledi. Köp balalı analar men “Altın alqa”, “Kümis alqa” iegerleri jäne “Batır ana” atağın alğandar üşin jeke kezek boladı. Olar jalğa beriletin twrğın üydi birinşi kezekte alu qwqığına ie», — dedi M. Jayımbetov.

Sonımen qatar, köp balalı otbasılarğa twrğın üy alu qwqığın beretin twrğın üy sertifikatın engizu josparlanğan.

«Biz qazir twrğın üy sertifikatı boyınşa erejelerdi äzirlep jatırmız. Jergilikti atqaruşı organdar arqılı 5 jıl işinde 85 mlrd tg bölinedi. Ärbir äkimdik öz mümkindiginşe qarajat böledi. Eger bwğan deyin osınday qarajattar därigerler, mwğalimder, policeyler üşin “Nwrlı jer”, “7-20-25” bağdarlamaları boyınşa bölinse, endi köp balalı, tolıq emes jäne mümkindikteri şekteuli balalardı tärbielep otırğan otbasılarğa berilsin degen wsınıs bar», — dep tüyindedi Komitet törağası.

Tüpnwsqa: primeminister.kz

Abai.kz

2 pikir