Särsenbi, 11 Jeltoqsan 2019
Bilik 1879 1 pikir 8 Mamır, 2019 sağat 12:14

Gülşara Äbdiqalıqovanıñ törağalığımen keñeytilgen mäjilis ötti

2019 jılğı 6 mamırda Prem'er-Ministrdiñ orınbasarı Gülşara Äbdiqalıqovanıñ törağalığımen ajırasulardıñ, aliment tölemeudiñ, sonday-aq twrmıstıq zorlıq-zombılıqtıñ aldın alu mäseleleri boyınşa keñeytilgen mäjilis ötti.

Selektorlıq rejimde ötken mäjiliske QR Prezidentiniñ janındağı Äyelder isteri jäne otbasılıq-demografiyalıq sayasat jönindegi wlttıq komissiya müşeleri, Joğarğı Sot, Bas prokuratura, İşki ister, Ädilet, Aqparat jäne qoğamdıq damu ministrlikteriniñ basşılığı, öñir äkimderiniñ orınbasarları, sonday-aq öñirlik policiya departamentteri, işki sayasat, otbası jäne jastar isteri jönindegi, eñbek jäne halıqtı äleumettik qorğau basqarmalarınıñ basşıları qatıstı.

Mäjilisti   aşqan   Gülşara    Äbdiqalıqova   QR    Twñğış    Prezidenti   -  Elbası  N.Ä. Nazarbaevtıñ tapsırmasına säykes elimizde negizgi mindeti azamattardıñ ömir süru sapasın jäne äl-auqatın arttıru bolıp tabılatın jaña äleumettik sayasat iske asırılıp jatqanın atap ötti. Öñirlerde halıqpen kezdesu kezinde nekeni bwzu, alimentterdi tölemeu, sonday-aq otbasılıq-twrmıstıq negizdegi zorlıq-zombılıq faktileri özekti bolıp otırğandığı anıqtaldı jäne bügingi küni barlıq uäkiletti organdardıñ şwğıl şaralar qabıldauın talap etip otır.

Qazaqstan Respublikasında 2030 jılğa deyingi otbasılıq jäne genderlik sayasat twjırımdamasın iske asıru jönindegi is-şaralar josparın orındau şeñberinde ajırasudıñ aldın alu boyınşa keşendi jwmıs jürgizilude, alimentter borışkerlerimen küres jürgizu, sonday-aq twrmıstıq zorlıq-zombılıqqa wşırağan äyelderdi qorğau jüyesiniñ tiimdiligin arttıru jäne otbasındağı zorlıq-zombılıq faktilerin azaytu jönindegi wyımdastıru şaraları qabıldandı.

«Sotta, sottan tıs jerde tatulastıru» jäne «Otbasılıq sot» pilottıq jobaların iske asıru 2018 jılı azamattardıñ bwzılğan qwqıqtarın tatulastıru arqılı qalpına keltiruge oñ äserin tigizdi. Tatulastıruğa baylanıstı qısqartılğan isterdiñ sanı 5,5% - ğa, talap arızdarı qarausız qalğan isterdiñ sanı 10% - ğa jäne qaytarılğan talap arızdarınıñ sanı 57,6% - ğa arttı.

Aliment tölemeu problemasına jwrtşılıqtıñ nazarın audaru boyınşa şaralar qabıldanuda. BAQ-ta, äleumettik jelilerde jäne qoğamdıq orındarda jürgiziletin jwmıstardı aqparattıq süyemeldeu qamtamasız etildi. İs-täjiribe körsetkendey, borışkerlerge qatıstı äkimşilik jäne qılmıstıq isterdi qozğau mäjbürleudiñ eñ tiimdi şaralarınıñ biri bolıp tabıladı. Mwnday şara qoldanılğannan keyin borışkerler qarızdarın öteydi.

Reydtik is-şaralar ayasında prokurorlar sot orındauşılarımen jäne işki ister organdarımen birlesip 2018 jılı 200 juıq borışkerdiñ avtokölikterin ayıppwl twraqqa tapsırdı (2019j. 1 toqsan - 113,  2018j. 1 toqsan – 75). Sonımen qatar, alimentterdi öndirip alu boyınşa basqa da keşendi nasihattau is-şaraları jürgiziledi.

Ötken jılı borışkerler 1,1 mlrd. teñge somasına bereşekti ötegen. Eñbekpen qamtu  organdarımen 6 mıñnan astam jwmıssız borışker esepke alındı (2019j. 1 toqsan - 4 mıñ). Bos orındar järmeñkesi arqılı (käsipkerlerdiñ kömegimen ötkiziledi) 1,5 mıñ adam jwmısqa ornalastırıldı (2019j. 1 toqsan - 511).

Äyelder men balalardı otbasındağı zorlıq-zombılıqtan qorğau jöninde şaralar qabıldanuda. Maqsatı – twrmıstıq qılmıstı 2020 jılğa qaray 20%-ğa, 2050 jılğa qaray 50%-ğa tömendetu belgilendi. İİM jüyesinde äyelderdi zorlıq-zombılıqtan qorğau jönindegi bölimşe (124 qızmetker) engizildi, 36 dağdarıs ortalığı jwmıs isteydi, onıñ işinde 24 baspanalı. 2018 jıldıñ 1 qañtarınan bastap qwqıq bwzuşını äkimşilik wstau merzimi 3 sağattan 24 sağatqa deyin wzartıldı (Äkimşilik qwqıq bwzuşılıq turalı kodekstiñ 789-babı).

2017 jıldan bastap Şımkent qalası men Türkistan oblısında twrmıstıq zorlıq-zombılıqtıñ aldın aludıñ pärmendi tetikterin qwruğa bağıttalğan «Otbasındağı zorlıq-zombılıqsız Qazaqstan» pilottıq jobası engizildi.

Mäjilistiñ qorıtındısı boyınşa QR Prem'er-Ministriniñ orınbasarı G.N. Äbdiqalıqova memlekettik organdarğa birqatar naqtı tapsırmalar berdi.

Abai.kz

1 pikir