Beysenbi, 17 Qazan 2019
Bilik 2761 8 pikir 8 Mamır, 2019 sağat 14:47

Ğalımjan Meldeşov Til sayasatı komitetiniñ törağası qızmetine tağayındaldı

Wzaq uaqıt boyı jurnalistika salasında jemisti jwmıs istegen äriptesimiz Ğalımjan Meldeş QR Mädeniet jäne sport ministrligi janındağı Til sayasatı komitetiniñ törağası qızmetine tağayındaldı.  Ğalımjan Särsenbaywlı bwğan deyin de Memlekettik tildiñ märtebesin köterip, til sayasatınıñ oñ bağıtta damuına ülken üles qosıp jürgen azamat bolatın. Sondıqtan da, bizdiñ oyımızşa bwl sala Ğalımjan Meldeş bauırımızğa jat emes.

Biz Abai.kz portalınıñ wjımı atınan Ğalımjan Särsenbaywlınıñ Til sayasatı komitetiniñ törağası qızmetine tağayındaluımen şın jürekten qwttıqtap, şığarmaşılıq tabıstar tileymiz!

Abai.kz portalınıñ wjımı

QR Mädeniet jäne sport ministrligi Til sayasatı komitetiniñ törağası qızmetine Ğalımjan Särsenbaywlı Meldeşov tağayındaldı.

Ğalımjan Meldeşov 1964 jılı 30 säuirde Almatı qalasında düniege kelgen. 1981-1986 jıldarı Almatı qalasında S.M. Kirov atındağı Qazaq memlekettik universitetin «jurnalist» mamandığı boyınşa tämamdadı. 1986-1989 jıldar aralığında Oñtüstik Qazaqstan oblısı Bögen audandıq gazetinde jauaptı hatşı, bas redaktordıñ orınbasarı,  oblıstıq «Oñtüstik Qazaqstan» gazetinde qızmetker, 1989-1999 jıldar aralığında respublikalıq «Leninşil Jas» - «Jas Alaş» gazetinde bölim meñgeruşisi, jauaptı hatşı, bas menedjer, 1999-2009 jıldar aralığında «Türkistan» gazetinde bas redaktordıñ orınbasarı, 2009-2012 jıldar aralığında «Qazaqstan» RTRK «Qazaq radiosınıñ» bas direktorı, 2012-2013 jıldar aralığında Qazaqstan Respublikası Bilim jäne ğılım ministriniñ keñesşisi, osı ministrlikke qarastı «Ğılım qorı» AQ Äkimşilik departamentiniñ direktorı, 2013-2014 jıldar aralığında Mañğıstau oblısı äkimdiginiñ «Mañğıstau-Media» holdinginiñ bas direktorı, 2014-2016 jıldar aralığında Qazaqstan Respublikası Mädeniet jäne sport ministriniñ keñesşisi, 2016-2018 jıldar aralığında  Qazaqstan Respublikası Mädeniet jäne sport ministrliginiñ Tilderdi damıtu jäne qoğamdıq-sayasi jwmıs komiteti törağasınıñ orınbasarı.

2018 jıldıñ qırküyek ayınan bastap Qazaqstan Respublikası Mädeniet jäne sport ministrliginiñ Til sayasatı komiteti törağasınıñ orınbasarı qızmetin atqaruda.

Memlekettik nagradaları: «Qwrmet» ordeni. «Qazaqstan Respublikasınıñ Täuelsizdigine 25 jıl», «Qazaqstan Respublikası Konstituciyasınıñ 20 jıldığı» merekelik medal'darı, Qazaqstan Respublikasınıñ Mädeniet qayratkeri.

Ğalımjan Meldeşov - psihologiya ğılımdarınıñ kandidatı, PhD doktorı.

Abai.kz

8 pikir