Düysenbi, 21 Qazan 2019
963 2 pikir 24 Mamır, 2019 sağat 12:08

Auıl – el besigi» jobası ayasında 2019 jılı 52 eldi meken jañğırtıladı

«Auıl – el besigi» jobası şeñberinde 2019 jılı Qazaqstanda 52 audan ortalığı jañğırtılıp, bwl jaqın jıldarı 700 mıñ auıl twrğınınıñ ömirin özgertuge mümkindik beredi. Bwl turalı Ortalıq kommunikaciyalar qızmetindegi baspasöz konferenciyasında Wlttıq ekonomika vice-ministri Ermek Alpısov habarladı.   

Onıñ aytuınşa, 450-ge tarta şara iske asırıladı. Onıñ 229-ı kölik infraqwrılımına, 153-i äleumettik infraqwrılımğa jäne 66-sı twrğın üy-kommunaldıq şaruaşılıqqa tiesili.

«Jobanıñ negizgi maqsatı – auıldağı ömir süru sapasın jaqsartu, auıldıq aumaqtardıñ äleumettik ortasın jañğırtu, olardı öñirlik standarttarğa jetkizu. Joba şeñberinde auıldıq aumaqtardıñ äleumettik jäne injenerlik infraqwrılımın damıtu, auıl twrğındarınıñ äleumettik igilikter men memlekettik qızmetterge qoljetimdiligin qamtamasız etu, twtastay alğanda, auıl twrğındarınıñ ömir süru sapasın jaqsartu jönindegi birqatar mindetter şeşiledi», - dedi vice-ministr..    

Twtas alğanda, jobanı iske asıruğa 2019-2021 jıldarı respublikalıq byudjetten 90,0 mlrd.teñge qarastırılıp, onıñ işinde, 2019 jılı 30,0 mlrd.teñge bölindi.

«Auıl – el besigi» jobasın iske asırudıñ arqasında qanday mäseleler şeşimin tabadı? Qarjı nege jwmsaladı? «4 662 jwmıs ornı qwrılıp, 73 mektep pen balabaqşa, 14 emhana, 47 mädeniet üyi men sport nısanı jöndeuden ötkiziledi, 12 deneşınıqtıru-sauıqtıru keşeni salınıp, 12 abattandıru jobası iske asırılatın boladı. Sonday-aq, 516 şaqırım jol, 35 şaqırım sumen jabdıqtau jelisi, 229 şaqırım elektrmen jabdıqtau (jarıqtandıru), 136 şaqırım gazben jabdıqtau, 20 şaqırım jäne 7 jılumen jabdıqtau nısanı jöndelip, salınadı», - dedi Ermek Alpısov..

Jobanı tiimdi iske asıru üşin Ükimet deñgeyinde Jobalıq ofis jwmıs isteydi. Osınday öñirlik ofister äkimderdiñ basşılığımen oblıstarda qwrılğan. Jobanı tikeley üylestirudi jäne äkimşilendirudi Wlttıq ekonomika ministrligi jüzege asıradı.

Ermek Alpısov jürgizilip jatqan şaralardıñ auıldıq aumaqtardıñ damuına jaña serpin beretinin, auıl twrğındarınıñ ömirin barınşa qolaylı jäne jaylı etetinin, jalpı öñir ekonomikasına oñ äserin tigizetinin atap körsetti.

Abai.kz

2 pikir