Prokuratura taratqan habargha qaraghanda, "VKontakte" әleumettik jelisinde saylau boyynsha qoghamdyq pikirge saual salghan Almaty qalasynyng túrghyny 17 mamyrda 15 ailyq eseptik kórsetkish mólsherinde (37 875 tenge) aiyppúlgha kesilgen. Vedomstvo habarynda "Facebook" әleumettik jelisinde jasaghan qúqyq búzushylyghy ýshin Almaty oblysynyng túrghyny tap osynday әkimshilik jauapqa tartyldy" dep jazylghan.
Búghan deyin, 21 mamyrda Qazaqstan adam qúqyqtary jónindegi halyqaralyq buro Taldyqorghanda Núr Itjanov esimdi belsendining saylau turaly saualnama jýrgizgeni ýshin 37 875 tenge aiyppúlgha kesilgenin habarlaghan. 23 mamyrda buro apellyasiyalyq sot belsendige shyqqan sheshimdi ózgerissiz qaldyrghanyn jazdy.
Prokuratura qazaqstandyq "Nur.kz" internet-resursynyng da ortalyq saylau komissiyasyna eskertusiz saualnama jýrgizgenin jazghanymen, basylymnyng qanday jauapqa tartylghanyn kórsetpegen.
Vedomstvo Qazaqstan әkimshilik qúqyq búzushylyq turaly kodeksting 120-babynda saylaugha baylanysty qoghamdyq pikirge saual saludy jýrgizu sharttaryn búzghandar jauapqa tartylatynyn eskertken. Zang boyynsha, saualnama jýrgizu erejesin búzghan jeke túlghalargha – 15, zandy túlghalargha 30 ailyq eseptik kórsetkish mólsherinde aiyppúl salynady.
Qazaqstanda kezekten tys preziydent saylauy 9 mausymda ótedi. Búl jolghy saylau eldi otyz jylgha juyq basqaryp, biyl nauryzda Qazaqstan preziydenti qyzmetinen ketken Núrsúltan Nazarbaevtyng qatysuynsyz ótkeli otyr. Ortalyq saylau komissiyasy jeti adamdy preziydenttikke kandidat retinde tirkegen:
- Sәdi-Bek Týgel - "Úly dala qyrandary" respublikalyq qozghalysy;
- qazirgi preziydent Qasym-Jomart Toqaev - "Núr Otan" partiyasy;
- Amangeldi Taspihov - Qazaqstan kәsipodaqtar federasiyasy;
- Daniya Espaeva - "Aq jol" partiyasy,
- Tóleutay Rahymbekov - "Auyl" partiyasy;
- Jambyl Ahmetbekov - "Qazaqstan komunistik halyq partiyasy";
- Ámirjan Qosanov - "Últ taghdyry" qozghalysy.
11 mamyrda elde saylau aldyndaghy ýgit-nasihat kezeni bastaldy. Ol 8 mausymgha deyin sozylmaq.
Abai.kz
