Qazaqstannyng Belarusitegi elshisimen kezdesu kezinde Lukashenko elding múnay óndeu zauyttaryna jan-jaqtan múnay týskenin qalaytynyn aitqan. Agenttikting habarlauynsha, elshi Ermúhamet Ertisbaev Qazaqstan Belarusike múnay tasymaldaugha dayyn ekenin, biraq aldymen Reseymen kelisu qajettigin algha tartqan.
Biyl sәuir aiynda Resey múnayyn Belarusi arqyly Europa elderine jetkizetin "Drujba" múnay qúbyrynan sapasyz múnay tabylghan song Resey jaghy múnay jóneltudi uaqytsha toqtatqan. 23 mamyrda slovakiyalyq Transpetrol kompaniyasy "Drujba" qúbyry arqyly múnaydyng qayta kele bastaghanyn habarlady.
21 mamyrda "Belneftehiym" memlekettik kompaniyasy qazirgi kezde Belarusite 1,2 million tonna kóleminde sapasyz múnay bar ekenin habarlaghan. Resey preziydenti Vladimir Putin búl jaghday elding abyroyy men múnay infraqúrylymyna "ýlken núqsan keltirgenin" aitqan.
Belarusi preziydenti Aleksandr Lukashenko sapasyz múnaydan elding "orasan zor" zardap shekkenin aityp, Reseyden ótemaqy kýtetinin jetkizgen.
Reseylik "Transnefti" múnay kompaniyasy múnaydyng lastanuyna shaghyn jekemenshik kompaniyany kinәlaydy.
Abai.kz
