Eki apta búryn, 14 mamyrda Qazaqstan qorghanys ministrining orynbasary general-leytenant Mýslim Altynbaev "Qazaqstannyng qorghanys vedomstvosy Reseydegi bas әskery shirkeu qúrylysyna belgili bir somada qarjy audardy" degen. Ol "Qazaqstan atynan Ekinshi dýniyejýzilik soghysqa qatysqandardyi esimderi Reseydegi bas әskery shirkeude saqtalatynyn" aitqan. Altynbaev shirkeu qúrylysyna Núr-Súltannyng qansha qarjy audarghanyn aitpaghan.

Qorghanys ministrligining Azattyqqa aituynsha, Reseydegi shirkeu qúrylysyna jiberilgen 1 million rubli demeushilerden alynghan. "Demeushiler attaryn atamaudy ótindi. Sebebi búl kómek jarnama jasau ýshin emes, batyrlargha mәngi eskertkish ornatu ýshin kórsetilgen" dep jazady vedomstvo ókili.

Ministrlik jauabynda Qazaqstannyng qorghanys ministrligi Ekinshi dýniyejýzilik soghysqa qatysqan qazaqstandyq ardagerlerge "taghzym etu maqsatynda arhiv materialdaryn jinap jatqanyn" aitqan.

- Osyghan baylanysty Qazaqstan Resey qorghanys ministrligine ardagerlerding suretterin, qysqasha biografiyalyq mәlimetterin, soghysta qaza tapqan ardagerlerding erlikteri turaly derekterdi joldady. Búl materialdar "Eske alu joly" galereyasyn qúru kezinde paydalanylady, - deydi vedomstvo.

Resey әskerining bas shirkeui eldegi eng iri diny keshenderding biri bolady dep josparlanghan. Ony biylik Mәskeu irgesindegi Kubinka qalasynda Ekinshi dýniyejýzilik soghystaghy jenisting 75 jyldyghyna oray – 2020 jyly salyp bitui tiyis. Resey qorghanys ministrligi shirkeuding halyqtyng qayyrymdylyqqa dep bergen qarjysyna salynyp jatqanyn aitqan.

Resmy statistika boyynsha, 2019-2021 jyldargha bekitilgen budjet boyynsha, biyl Qazaqstan qorghanys ministrligine 315,9 milliard tenge bólingen. Búl soma 2021 jylgha qaray 296,41 milliard tengege azayady.

Abai.kz