Düysenbi, 23 Qırküyek 2019
Sañlaq 1685 2 pikir 31 Mamır, 2019 sağat 21:23

Qızılordalıq «Qaysardıñ» qarqını köñil quantarlıq

Biıl qızılordalıq «Qaysar» futbol klubı keremet öner körsetip jür, - dep jazadı Abay-aqparat.

Qazaqstan Prem'er ligasınıñ alğaşıqı eki turında jeñilip, mausımdı säl sätsiz bastağanımen, 30 naurızdan bastap 22 mamırğa deyin 11 oyın boyı jeñilistiñ kermek dämin tatqan joq. Osı aralıqta el çempionatınıñ turnirlik kestesinde ekinşi orınğa deyin köterilip, Qazaqstan kubogınıñ jartılay finalına joldama aldı.

Osı 11 oyınnıñ toğızında jeñiske jetip, eki märte teñ tüsti. Onıñ özinde el çempionı «Astana» men üzdik komandalardıñ biri «Ordabası» ğana qızılordalıqtardan bir wpay oljalay aldı. «Qaysardıñ» bir erekşeligi - öz alañında da, sırt alañda da tört ayağın teñ basadı. Keybir komandalar sekildi öz üyinde jeñiske jetip, qonaqqa barsa boldı wtılıp qaytu degen bwlarda joq. Sözimizdiñ däleli, jañağı toğız jeñistiñ jeteuine sırt alañda qol jetkizgen.

«Qasqırlardıñ» bwl jeñilissiz seriyası 22 mamır küni Qostanayda üzildi. Qazaqstan kubogı jartılay finalınıñ alğaşqı matçında jergilikti «Tobıl» qızılordalıqtardı 1:0 esebimen jeñdi. Qarımta oyın 19 mausımda «Qaysardıñ» öz alañında ötedi. Sol kezde el kubogınıñ aqtıq sınına joldama jeñip aluğa tolıq mümkindigi bar.

Komanda kapitanı Maqsat Bayjanov

Ökiniştisi, Stoyço Mladenov şäkirtteri el çempionatınıñ XIİ turında «Jetisudan» jeñilip, turnirlik kestedegi ornın säl tömendetip aldı. Taldıqorğanda ötken oyınnıñ tağdırın 52-şi minutında Oganesyan soqqan jalğız gol şeşti.

Al bügin ötken el birinşiliginiñ XIİİ turında «Qaysar» öz alañında «Ertisti» qabıldadı. Eki oyın qatarınan jeñilip, qarqının az da bolsa bäseñdetip alğan qızılordalıqtar «Ertisti» eş qiındıqsız jeñdi.

«Qaysar» — «Ertis»

Gol coqqandar: Barsegyan 49 (1:0), Lamanj 84 (2:0).

Däl qazir «Qaysar» Prem'er liganıñ turnirlik kestesinde 26 wpaymen törtinşi orında twr. Biraq köşbasındağı «Astanadan» bar bolğanı altı wpay ğana qalıp keledi. Onıñ üstine elordalıqtardan eki oyındı kem ötkizgen. Demek, sol eki matçta qorjınğa tolıq altı wpay salsa, el çempiondarın quıp jetedi.

Ekinşi satıdağı «Tobıldan» tek üş wpayı ğana az. Basqaşa aytqanda, qostanaylıqtar da qol jetpes alısta emes. Al şımkenttik «Ordabası» komandasınıñ «Qaysarmen» wpayı birdey. Tek dop ayırmasımen ğana üşinşi satıda twr. El çempionatınıñ ayaqtaluına äli 20 tur bar. Eger «Qaysar» osı qarqınınan tanbasa mausım soñında jüldeli orındardıñ birinen körinui äbden mümkin. Bwğan qosa, Qazaqstan kubogında top jaruğa da mümkindigi bar.  Sebebi, el kubogın soñğı bes jılda tört ret jeñip alğan «Qayrat» biıl şirek finalda jarıs jolınan şığıp qalğan. Al el çempionı «Astana» tipten 1/8 finaldan asa alğan joq. Eger «Qaysar» jartılay finalda «Tobıldan» öte alsa, finalda «Ordabası» - «Atırau» jwbınıñ jeñimpazımen kezdesedi.

Quanış Qappas

Abai.kz

2 pikir