Beysenbi, 12 Jeltoqsan 2019
Aymaq 1800 3 pikir 3 Mausım, 2019 sağat 18:10

Qoğalıköldegi köne şahar

Qızılorda oblısı, Sırdariya audanı, Qoğalıköl auılınan şığısqa qaray 2 şaqırım jerden Qışqala qalaşığınan erekşe säuletti segiz qırlı köne ğimarattıñ ornı arşıldı,- dep habarlaydı Abay-aqparat.

Ğalımdar atalğan nısandı medrese dep joramaldap otır. Bar sırın qwmğa jasırğan Qışqala köne jädigerlerimen äli de tañdandıruda. «Mäselen, mına segiz qırlı ğimarat sol däuirdegi säulet öneriniñ erekşe ülgisine jatadı», – deydi ğalımdar.

Sırım Esenov, QR Wlttıq muzeyiniñ ğılımi qızmetkeri:

– Ärine ğimarattıñ säuleti öte erekşe. Bwl tipti Qazaqstanda analogı joq deuge boladı. Sebebi däl osı 8 qırlı, işine qaray qaytadan 8 qırlı bölmeler salu, onıñ ortasına 8 qırlı edendelgen äsem ğimarat salıp, onıñ ortasına bağandar twrğızıp, 4 jerinen saludı äzirge biz kezdestire qoyğan joqpız. Mwndağı ğimarattardıñ bezendirilui Ahmet YAssaui kesenesinen kem tüspeytinin aytadı mamandar. Qıştağı oyulardan arab jazularımen qatar, qazaqı örnekterdi de köruge boladı. Glazurlengen kümbez sınıqtarı, türli tüsti boyaudıñ paydalanıluı qalanıñ äsem kelbetin ayşıqtay tüsedi. Köne qalanıñ qızıqtı jädigerleri jergilikti oquşılardıñ da ğılımi izdenisine arqau bolğan, - deydi QR Wlttıq muzeyiniñ ğılımi qızmetkeri.

Mamandardıñ aytuınşa, Qışqala qalaşığında 90 jıldarı äuesqoy qazba jwmıstarı jürgizilipti. Biraq tıñğılıqtı zertteu jwmıstarı qolğa alınbağan körinedi.

– El auzındağı añızdarda Alpamıs batırdıñ jarı Gülbarşın meken etken qalanıñ geografiyalıq sipatı da osı mañğa wqsas keledi eken. Mwnday boljamdı qala aumağınan arşılğan qwndı jädigerler de naqtılay tüskenge wqsaydı. Demek, talay sırdı bükken Qışqalanıñ bayırğı Barşınkent boluı da ğajap emes, - deydi oblıstıq tärihi jäne mädeni eskertkişterdi qorğau mekemesiniñ bölim basşısı Ğalımjan Sadıqov.

Tarihi derekterge süyensek, Qışqala qalaşığı ortağasırğa jatadı, Sırdariyanıñ tömengi ağısı boyında orın tepken. Qızılorda qalasınan oñtüstik-batısqa qaray 25 şaqırımda ornalasqan

Abai.kz

3 pikir