Senbi, 20 Şilde 2019
Aymaq 1098 2 pikir 4 Mausım, 2019 sağat 14:27

Kökşetauda köpbalalı otbasılarğa 70 päterdiñ kilti tapsırıldı

????????????????????????????????????

Kökşetau qalasında köpbalalı, tolıq emes, äleumettik jağınan az qamtılğan otbasılar men jetimderge 70 päterdiñ kilti tapsırıldı, dep habarlaydı QazAqparat tilşisi.

«Sarıarqa» şağın audanında ötken şarağa Aqmola oblısı äkimi Ermek Marjıqpaev qatısıp, twrğındarğa jaña päter kiltin tapsırdı. Atalğan türğın üy memlekettik «Nwrlı jer» bağdarlaması boyınşa salınıp otır.​ Köpqabattı jaña twrğın üyden baspanalı bolıp otırğandar arasında köpbalalı jäne äleumettik jağınan az qamtılğan otbasılar, jetimder bar.

«Öñirde twrğındardı baspanamen qamtamasız etu mäselesi erekşe nazarda.​ Memleket basşısınıñ bastamasımen qolğa alınğan  «Nwrlı jer» bağdarlaması Aqmola oblısında oydağıday jüzege asırıluda. Mwnıñ bäri twrğındardıñ müddesi üşin. Ötken jılı bwl bağıtta qıruar şarua atqarıldı. Biıl da sol körsetkişterge qol jetkizetin bolamız.  Bügin mine, alğaşqı 70 päterdiñ kiltin tapsırıp otırmız. Osınday igi isterge qol wşın sozıp otırğan azamattarğa ülken alğısımdı bildiremin», - dedi Ermek Marjıqpaev jaña päter ielerin qwttıqtau sözinde.

Päter alıp quanışqa kelgenderdiñ biri, «Altın alqa» iegeri, 10 bala tärbielep ösirgen Svetlana Säduaqasova QazAqparat tilşisine öziñniñ quanışımen bölisti.

«Päter kezeginde twrğanıma biıl 14 jıl boladı. 10 bala tärbielep ösirdim.  Osığan deyin päter jaldap twrdım. Ärine,  qiındıqtar boldı. Aqşasın töleseñde bireudiñ qas-qabağına qarap jüru oñay emes. Päter jaldap jürgen kez ben qazirgi jağdayımdı salıstıruğa bolmaydı.  Quanışımda şek joq. Ana retinde barşa qazaqtandıqtarğa baspana baqıtın tileymin»,- dedi Batır ana Svetlana Säduaqasova.

Sonımen qatar, baspanalı bolğandardıñ arasında balalar üyiniñ tärbielenuşileri de bar.

«Men balalar üyinen 2010 jılı şıqtım. Sodan beri päter kezeginde twrmın. Qazir öz otbasım bar, eki balanıñ äkesimin. Özimdi baqıttı sezinemin. Biraq büginge deyin öz üyim bolğan joq. Bügin mağan eki bölmeli päter berdi. Osınday igi isterge qol wşın sozıp otırğan ülken alğısımdı bildiremin»,- dedi jaña päter iesi Roman Çep.

Ayta keteyik, bügingi küni Kökşetau qalasında 2 mıñnan astam köp balalı otbası bolsa, onıñ 400 juığı päter kezeginde twr. Sonıdqtan, biılğı jılı barlığı 470 päter kiltin tapsıru josparlanğan. Onıñ birazı Twrğın üy qwrılıs jinaq banki arqılı şeşimin tappaqşı.

Abai.kz

 

2 pikir