Düysenbi, 19 Tamız 2019
959 0 pikir 13 Mausım, 2019 sağat 11:08

Qazaqstan Prezidenti Qasım-Jomart Toqaev äkimdermen keñes ötkizdi

Memleket basşısı Aqordada oblıstardıñ jäne Nwr-Swltan, Almatı, Şımkent qalalarınıñ äkimderimen keñes ötkizdi.

Qazaqstan Prezidenti äkimderdiñ aldına birqatar mindet qoydı. Memleket basşısı eñ aldımen azamattardıñ qwqıqtarı men bostandığın, olardıñ tınıştığı men qauipsizdigin qamtamasız etudi tapsırdı.

– Elimizde zañ üstemdik etui tiis. Zañ aldında bilik ökilderi de, azamattar da birdey. Bastısı – halıqpen dialog ornatu. Bilik halıqtı tıñdap, olardıñ talap-tilekterine zeyin qoyuı kerek. Şeneunikter kabinetterinde otırmauı kerek. Twrğındarmen jwmıs isteui kerek. Äkimder memlekettiñ sayasatın azamattarğa tüsindirui tiis, – dedi Qasım-Jomart Toqaev.

Qazaqstan Prezidenti äkimderdiñ qızmeti jaña jwmıs orındarın aşuğa bağıttaluı kerek ekenin ayttı. Bwl äkimder jwmısınıñ bastı körsetkişi boladı.

Qasım-Jomart Toqaev jañadan qwrılğan Wlttıq qoğamdıq senim keñesine müşe bolatın azamattardı barlıq öñirden wsınu qajet ekenin ayttı. Olardı irikteu ädil boluı şart.

Memleket basşısı jastar sayasatına da toqtalıp, ol üşin äleumettik liftiler qalıptastıru qajettigin ayttı.

– Meniñ tapsırmam boyınşa, Prezidenttiñ kadrlıq rezervi qwrılıp, oğan 300 jas maman engiziledi. Äkimderdiñ mindeti – rezervke eñ darındı jäne keleşeginen ümit küttiretin jas basqaruşılardı irikteu, – dedi Qasım-Jomart Toqaev.

Soñında Memleket basşısı birqatar naqtı tapsırma berdi.

Abai.kz

0 pikir