Seysenbi, 25 Mausım 2019
Söyle, suret 1542 4 pikir 13 Mausım, 2019 sağat 12:52

Almatıda "QDT" wyımınıñ mitingisi ötpey qaldı (foto-reportaj)

Bwl kelinşek küyeuin sebepsiz wstağanın aytıp, policeylerdiñ artınan jügirip jürdi. Qolındağı säbii jılap, aynalanı azan-qazan etti.

Keşe Qazaqstan aumağında jwmısına tıyım salınıp, ekstremistik wyım dep tanılğan "QDT" (DVK) wyımınıñ jetekşisi Mwhtar Äbläzev elimizdiñ bastı qalalarında narazılıq şeruin ötkizuge ündeu jariyalağan edi. Soğan oray Almatı qalasında tärtip küşeytilip, "QDT" wyımınıñ mitingisi ötpey qaldı. Abai.kz aqparattıq portalınıñ tilşisi oqiğa ornına barıp, jağdaydı öz közimen körip qayttı. 

Dese de, sağat 6-30-dar şamasında Almatı qalalıq işki ister departamenti qızmetkerleri Töle bi men Panfilov köşeleriniñ qiılısında eluge juıq adamdı wstadı.

Wstalğandardıñ arasında äyel azamattar da boldı.

Policeyler negizinen küdikti köringen adamdardıñ qwjattarın tekserdi.

Birli-jarım azamat bolmasa, halıqqa wran tastağan eşkim bolmadı.

Key jigitter küşpen avtozaktarğa toğıtıldı.

Osı oqiğanı közben körip, jüregi sır bergen mına azamatşanı "Jedel järdem" alıp ketti.

Omon qızmetkerleriniñ deni qaladağı tärtipti baqılap twrdı.   

Arnayı jasaq köbine betperdelerin şeşip tastap jürdi.

Keşe ekstremistik wyım sanalatın QDT wyımı narazılıq şarasın Almatı qalasınıñ Abay jäne Baytwrsınov köşeleriniñ qiılısınan bastap, Astana alañına deyin şeruletip kelmek bolğan. Policiya men arnayı jasaq sarbazdarı osı aymaqtardı qorşauğa alıp, resmi rwqsat etilmegen miting ötpey qaldı.

;feature=youtu.be&fbclid=IwAR36oo3lnrMvTzRPfs3dUZYSRg5Py8RVGbOioIPwtlg07iMRBvne-8KRzlo

Tüyin

QR Bas prokuraturasınıñ mälimetinşe soñğı künderi rwqsat etilmegen zañsız mitingke qatısqan 957 adam wstalğan. Onıñ 670-i qamalıp, 115-ine ayıppwl salınğan. 172 azamatqa eskertu berilip, bosatılğan. Bas prokuratura äli de zañsız mitingke şıqqandar qatañ jazalanatının eskertedi.

Nwray Kemel

Abai.kz

4 pikir