Jeksenbi, 15 Jeltoqsan 2019
595 1 pikir 17 Mausım, 2019 sağat 11:42

Toqaevti älem elderiniñ prezidentteri qwttıqtap jatır

Qazaqstan Prezidenti bolıp saylanuına oray Qasım-Jomart Toqaevtıñ atına qwttıqtau hattar men jedelhattar kelip tüsude.

Germaniya Kancleri Angela Merkel' Memleket basşısına jaña tabıs tiledi.

«Sizdi Qazaqstan Respublikasınıñ Prezidenti qızmetine kirisuiñizben qwttıqtaymın. Elderimiz arasındağı äriptestik twraqtı damıp keledi. Germaniya reformalar men demokratiyalandıru jönindegi jaqın äriptes retinde Qazaqstanğa qoldau körsete beruge dayın», – delingen jedelhatta.

Ündistannıñ Prem'er-Ministri Narendra Modi Qazaqstan Prezidentin qwttıqtap, eki eldiñ köp ğasır bwrın bastalğan ıqpaldastıqtı jalğastırıp kele jatqanın ayttı.

«Ekijaqtı ıntımaqtastıqtıñ qarqındı damuınıñ arqasında tarihi baylanıstarımız strategiyalıq seriktestikke wlastı. Memleketterimiz ben halıqtarımızdıñ müddesi üşin Ündistan men Qazaqstannıñ strategiyalıq seriktestigin odan äri nığaytuğa jäne keñeytuge dayın ekenimdi bildiremin», – delingen jedelhatta.

Horvatiya Prezidenti Kolinda Grabar-Kitaroviç öziniñ qwttıqtau hatında dostıq ıntımaqtastıqtı odan äri damıtuğa beyil ekenin aytqan.

«Horvatiya Qazaqstanmen halıqtarımızdıñ ortaq müddelerin bildiretin köptegen salalarda twraqtı damıp kele jatqan äriptestikti jäne dostıq qatınastardı joğarı bağalaydı. Biz özara küş biriktire otırıp, ortaq ıntımaqtastıqqa, sonıñ işinde eki memlekettiñ äleuetin iske asıru üşin ekonomikalıq qatınastardıñ qarqının arttıruğa üles qosatınımızğa kämil senemin», – delingen jedelhatta.

Slovakiya Respublikasınıñ Prezidenti Andrey Kiska da Qasım-Jomart Toqaevtı qwttıqtadı.

«Qazaqstan – Slovakiyanıñ Ortalıq Aziyadağı mañızdı seriktesi. Elderimiz arasındağı ıntımaqtastıq ortaq müddelerimizdi bildiretin barlıq salalarda dami beretinine senim bildiremiz», – delingen jedelhatta.

Bolgariya Prezidenti Rumen Radev Qasım-Jomart Toqaevqa eñbeginiñ jemisti boluın jäne Qazaqstan halqına baq-bereke tiledi.

«Biz özara küş jwmıldıra otırıp, memleketterimiz arasındağı ekijaqtı ıntımaqtastıqtı nığaytuğa jäne damıtuğa üles qosamız, – delingen jedelhatta.

Şveycariya Konfederaciyasınıñ Prezidenti Uli Maurer Qazaqstan men Şveycariya arasındağı baylanıstardıñ öte jaqsı deñgeyde ekenin atap ötip, eki memlekettiñ igiligi üşin ıntımaqtastıqtı nığaytuğa senim bildirdi.

Avstriya Prezidenti Aleksandr Van der Bellen Qasım-Jomart Toqaevqa demokratiyalıq damu jäne reformalardı jürgizu isinde tabıs tiledi.

«Halıqaralıq jäne öñirlik qauipsizdik pen twraqtılıqtı qamtamasız etu jönindegi Qazaqstannıñ wzaq merzimdi qızmeti Sizdiñ basşılığıñızben odan äri jalğasa beretinine senimdimin», – delingen jedelhatta.

Latviya Prezidenti Raymond Veyonis Qazaqstandı Latviyanıñ Ortalıq Aziyadağı mañızdı äriptesi äri memleketter arasındağı qarım-qatınastar konstruktivti äri özara tiimdi ekenin atap ötti.

Resey Federaciyası Ükimetiniñ törağası Dmitriy Medvedev Qasım-Jomart Toqaevtıñ jetekşiligimen ekonomika men äleumettik salalardı modernizaciyalauda, azamattardıñ ömir süru deñgeyin arttıruda keñ auqımdı josparlardı jüzege asıru jalğasatınına senim bildirdi.

«Sizdiñ tatu körşi, odaqtas Resey men Qazaqstan qarım-qatınastarınıñ odan äri damuın, Euraziyalıq ekonomikalıq odaq ayasındağı integraciyalıq özara is-qimıldardı keñeytuge bel şeşe kirisuiñizdi qwp köremiz», – delingen qwttıqtau hatında.

Resey Federaciyasınıñ Federaciya keñesiniñ törayımı Valentina Matvienko Resey men Qazaqstannıñ qarım-qatınastarı, sonıñ işinde parlamenttik bağıt boyınşa konstruktivti türde qarqındı damıp kele jatqanın atap ötti.

«Qazaqstan Sizdiñ basşılığıñızben memlekettikti nığaytu isinde, wlttıq ekonomikanı köterude jäne euraziyalıq keñistikte özara tiimdi integraciyalıq üderisterdi ilgeriletude jaña tabıstarğa jetetinine Federaciya Keñesi senedi», – delingen jedelhatta.

Qazaqstan Prezidenti bolıp saylanuına oray Qasım-Jomart Toqaevtıñ atına qwttıqtau hattarın Niderland Koroli Villem-Aleksandr, Monğoliya Prezidenti Haltmaagiyn Battulga, YUNESKO wyımınıñ Bas hatşısı sekretar' Odri Azule, Ekonomikalıq ıntımaqtastıq wyımınıñ Bas hatşısı Hadi Soleymanpur, Pol'şanıñ bwrınğı Prezidenti Aleksandr Kvas'nevskiy, Braziliya Federaldı Senatınıñ törağası, senator Davi Alkolumbre Pol'şa Respublikası Senatınıñ marşalı Stanislav Karçevskiy, «Italiya-Qazaqstan» parlamentaralıq dostıq tobınıñ törağası Edmondo Çirielli, Pol'şa-Qazaqstan sauda-önerkäsip palatasınıñ törağası Petr Guzovski, Europa Parlamentindegi Pol'şa Respublikasınıñ deputatı Rışard Çarneckiy, Pol'şa Respublikasınıñ senatorı YAn Filip Libickiy, Pol'şa  Respublikasınıñ  Seym deputatı Tomaş Lenc joldadı.

Abai.kz

1 pikir