Düysenbi, 21 Qazan 2019
Añız Abay 1635 2 pikir 12 Şilde, 2019 sağat 12:12

Igor' Krutoy Abaydıñ öleñin oqıdı

Resey federaciyasınıñ halıq ärtisi Igor' Krutoy wlı aqın Abay Qwnanbaywlınıñ öleñin oqıdı. Bwl öleñdi ol aqınnıñ 175 jıldıq mereytoyına oray jalğasıp jatqan «Abay öleñderin jatqa oqu» estafetası ayasında oqıp otır. Reseylik kompozitorğa estafetanı Dimaş Qwdaybergen joldağan edi.

«Qazaq halqınıñ wlı oyşılı, aqın Abaydıñ 175 jıldığına arnalğan estafetanı quanışpen qabıldap aldım. Mağan bwl estafetanı jas dosım, asa talanttı änşi Dimaş Qwdaybergen joldadı.Estafetanı dosım, QR-nıñ Reseydegi elşisi Imanğali Tasmağambetovqa joldaymın», - dedi Igor' Krutoy.

«Barlıq qazaqstandıqtarğa beybitşilik, jaqsılıq jäne igilik tileymin», - dedi ol söz soñında.

«Abay öleñderin jatqa oqu» estafetasınıñ keñ kölemde jalğasuına 9 jastağı mektep oquşısı Läylim-Şıraq Erlanqızı türtki boldı. Ol wlı aqınnıñ öleñin oqıp, onı prezident Qasım-Jomart Toqaevqa joldağan bolatın.

Memleket basşısı estafetağa qoldau bildirip, aqınnıñ «Ğılım tappay maqtanba» öleñinen üzindi oqıdı. Äri estafetanı odan äri Bilim jäne ğılım ministri Ashat Aymağambetovke, Mädeniet jäne sport ministri Aqtotı Rayımqwlovağa jäne bükil älemdi moyındatqan talanttı änşi Dimaş Qwdaybergenge joldağan.

Älemge äygili qazaq änşisi Dimaş Qwdaybergen de memleket basşısı wsınğan estafetanı quanışpen qabıl alıp, wlı aqınnıñ «Qaqtağan aq kümistey keñ mañdaylı» öleñin oqıdı. Dimaş bwl challenge-di jalğastırudı Aqtöbe oblısınıñ äkimi Oñdasın Seyilwlı Orazalinge, RF-nıñ halıq ärtisi Igor' Krutoyğa jäne öziniñ barlıq tıñdarmanına tapsırğan edi. Osığan oray reseylik önerpaz wlı Abaydıñ öleñin oqıp otır.

Abai.kz

2 pikir