Jwma, 22 Qaraşa 2019
Bilik 1947 8 pikir 7 Tamız, 2019 sağat 19:06

Prezident Arıstağı apatqa jauaptı şendilerdi jazaladı

Memleket basşısı Qasım-Jomart Toqaevtıñ ökimimen qızmetine salğırttıq tanıtıp, Arıs qalasında ornalasqan äskeri qaru-jaraq qoymasındağı apattıñ tuındauına jol bergen şendiler jazalandı.

Bwl turalı Aqordanıñ resmi saytında habarlandı.

"Memleket basşısınıñ Ökimimen özine jüktelgen mindetterdi tiisti deñgeyde orındamağanı jäne qaru-jaraq pen oq-därilerdiñ qauipsizdigin jäne saqtaluın qamtamasız etu jwmısındağı, Qaru-jaraq pen oq-därilerdi saqtau ob'ektilerin köşiru jäne ornalastıru bağdarlamasın iske asıru kezindegi eleuli kemşilikteri, sonıñ saldarınan Arıs qalasında ornalasqan äskeri bölimşedegi qaru-jaraqtıñ jarıluına jäne qalada adam şığınına wşıratqan auqımdı apatqa jol bergeni üşin:

1. Qazaqstan Respublikası Qorğanıs ministri bolıp qızmet atqarğan Säken Ädilhanwlı Jaswzaqov Qazaqstan Respublikasınıñ Qarulı Küşteri jüyesinen şığarıldı.

2. Kelesi lauazımdı qızmetkerlerge:

Qazaqstan Respublikası Qorğanıs ministriniñ birinşi
orınbasarı – Qazaqstan Respublikası Qarulı Küşteri Bas ştabınıñ bastığı Mwrat Käribaywlı Bektanovqa;

Qazaqstan Respublikası Qorğanıs ministriniñ birinşi
orınbasarı – Qazaqstan Respublikası Qarulı Küşteri Bas ştabınıñ bastığı bolıp qızmet atqarğan Mwrat Jälelwlı Maykeevke;

Qazaqstan Respublikası Qorğanıs ministriniñ orınbasarı bolıp qızmet atqarğan Talğat Jeñiswlı Janjümenovke qatañ sögis jariyalandı", - dep jazılğan Jarlıqta.

Abai.kz

8 pikir