Düysenbi, 16 Jeltoqsan 2019
Aymaq 1521 0 pikir 15 Tamız, 2019 sağat 18:11

Sır sportında serpin bar

Qızılordalıq sportşılar 2019 jıldıñ 6 ayında zor jetistikke jetip ülgergen. Älem jäne Aziya çempionattarında 48 medal' Sır sportşılarına enşilese ,QR çempionattarında barlığı 907 medal'dı qanjığağa baylağan. Onıñ 272–i altın, 248-i kümis, 387-i qola jülde,- dep habarlaydı Abay-aqparat.

Sonımen qatar sportpen jüyeli türde şwğıldanuşılar sanı 231613 adamğa jetken. Al balalar-jasöspirimder sport mektepteri, sport klubtarında dene şınıqtıru jäne sportpen şwğıldanatın 7-18 jas aralığındağı balalar men jasöspirimder sanı 23058 qwrap otır. Bwl jöninde oblıstıq dene şınıqtıru jäne sport basqarmasınıñ basşısı Oljas Akimov ayttı.

– Halıqtıñ sporttıq nısandarğa qoljetimdiligin arttıru maqsatında, balalar men jasöspirimder sport mektepteri jelisin wlğaytu jäne şwğıldanuşılar sanın arttıru barısında memlekettik-jekeşelik äriptestik ayasında biıl 21 jobanı jüzege asıru josparlanıp otır. Bıltırğı jılı 9 joba iske qosıldı,- deydi ol.

Sonday-aq, basqarma basşısı oblıs sportşıların 2020 jılı Tokio qalasında ötetin Olimpiada oyındarına joldama aluın qamtamasız etu, Älem, Aziya jäne Qazaqstan Respublikasınıñ çempionattarına sportşılardıñ dayındığı men qatısuın qamtamasız etu jwmıstarı jürgizilip jatqandığın habarladı.

O.Akimov oblıs twrğındarın sport nısandarmen qamtu mäselesine de toqtaldı. Onıñ aytuınşa, aldağı uaqıtta «Lokomotiv» stadionına kürdeli jöndeu jwmıstarı bastalıp, «Nwrsät» tennis ortalığınıñ 4 jabıq tennis kordınıñ qwrılıs jwmıstarın ayaqtau jwmıstarı jalğaspaq.

Abai.kz

0 pikir