Seysenbi, 17 Qırküyek 2019
821 3 pikir 19 Tamız, 2019 sağat 10:20

Ükimet 21 mıñ otbasını "järdemaqı alu üşin tabısın jasırdı" dep ayıptadı

Qazaqstan eñbek jäne halıqtı äleumettik qorğau ministrliginiñ habarlauınşa, elde 21 mıñğa juıq otbası tabısı tömen jäne mwqtaj janwyalarğa ğana beriletin ataulı äleumettik kömekti (AÄK) zañsız alu üşin özderiniñ naqtı tabısın jasırğan.

Ministrlik “tekseru barısında keybir otbasılardıñ käsipkerlikten tüsetin tabısın tömendetkeni, jwmıstarın jasırğanı, komissiyalardıñ otbasılardıñ tabısın anıqtağanda dwrıs jwmıs istegeni anıqtaldı” dep mälimdedi.

Vedomstvo “Memlekettik ataulı äleumettik kömek turalı” zañdı bwzğandardan järdemaqını qaytarıp almaq. Ministrlik bwğan deyin de eldegi otbasılar AÄK alu üşin ötirik ajırasıp jatqanın aytqan.

Biıl 4 aqpanda Astananıñ Köktal-1 şağın audanındağı Şıñğıstau köşesinde ornalasqan jeke üydiñ aulasındağı uaqıtşa baspana örtenip, bir otbasındağı bes bala opat bolğan.

Osı oqiğadan keyin köp balalı analar narazılığı küşeydi. 6 aqpanda el astanasında jüzdegen ana jinalıp, bilikten järdemaqı men jörgekpwldı ösirudi, köp balalı otbasılardıñ balalarına tegin bilim berudi, ana men balanı tegin emdeudi, baspana aludı jeñildetudi talap etti.

21 aqpanda sol kezdegi Qazaqstan prezidenti Nwrswltan Nazarbaev prem'er-ministr Baqıtjan Sağıntaev basqarğan ükimetti "halıqtıñ jağdayın jaqsarta almadı" dep sınap, taratıp jiberdi. Keyin prem'er-ministr bolıp Asqar Mamin tağayındaldı.

27 aqpan "Nwr Otan" partiyasınıñ s'ezinde Nazarbaev köp balalı otbasılardağı är balağa 21 mıñ teñge tölenetinin mälimdegen edi. Osıdan keyin eñbek jäne halıqtı äleumettik qorğau ministrligi säuirden bastap twrmısı tömen otbasılarğa ataulı äleumettik kömek töley bastağandarın habarlağan. Biraq äyelder AÄK alu şartınıñ qiındığına şağınadı.

Analar bilikten järdemaqıdan bölek baspana mäselesin şeşudi talap etedi. 3 mausımda Nwr-Swltanda ondağan ana Aqorda men Ükimet üyi mañına barıp, Qazaqstan prezidenti Qasım-Jomart Toqaev pen prem'er-ministr Asqar Maminniñ şığuın talap etken. Bilik eldegi baspana mäselesin şeşu üşin türli jobalar jasalıp jatqanın aytadı.

Eñbek jäne halıqtı äleumettik qorğau ministrliginiñ esebinşe, 15 tamızdağı jağday boyınşa 1,8 million qazaqstandıq AÄK alğan. Byudjetten AEK töleu üşin 103 milliard teñge (1 dollar – 387 teñge) bölingen. Järdemaqı alğandardıñ 42 payızı qalada, 58 payızı auılda twradı.

Abai.kz

3 pikir