Qasym-Jomart Toqaev saltanatty jiyngha qatysushylargha iltipat bildirip, elimizdegi múnay-gaz keshenining barsha enbekkerlerin kәsiby merekelerimen qúttyqtady.

Memleket basshysy Qazaqstan múnay ónerkәsibining tereng әri danqty tarihy jóninde aita kelip, ótken ghasyrdyng 90-shy jyldarynda elimizding tәuelsiz múnay-gaz industriyasyn qalyptastyru ýderisinde qiyndyqtargha tap bolghanyn eske saldy. Osy orayda búl salany damytu ýshin shetelden kapital tartu isindegi Elbasy Núrsúltan Nazarbaevtyng orasan zor enbegin atap ótti.

Qasym-Jomart Toqaev Qazaqstandaghy múnay ónerkәsibining jetistikterine qysqasha toqtaldy. Sonyng ishinde, Preziydent múnay salasynda zamanauy tehnologiya men ozyq tәjiriybeni mengergen otandyq mamandardyng qatary kóbeygenin aitty. Memleket basshysynyng aituynsha, býginde «Qazmúnaygaz» últtyq kompaniyasy Chevron, ExxonMobil, Shell, Lukoyl, Eni, Total, CNPC siyaqty korporasiyalarmen jәne basqa da kompaniyalarmen iri jobalardy tabysty jýzege asyryp keledi.

Preziydent otandyq múnayshylardyng úrpaq sabaqtastyghyna arnayy toqtaldy. Ol Qazaqstan múnay ónerkәsibining negizin qalaushy, Atyrau múnay-gaz uniyversiytetine aty berilgen Safy Ótebaevtyng osy salanyng qalyptasuyna zor ýles qosqanyn atap ótti. Preziydent múnay-gaz salasyndaghy qyzmetkerlerding jinaghan tәjiriybesi men bilimi azamattarymyzdyng túrmysyn odan әri gýldendiruge jәne jaqsartugha septigin tiygizetin manyzdy salalyq janghyrtu júmystaryn jýrgizuge mýmkindik beredi dep sanaydy.

Bayandamada múnayshylar sheshuge tiyisti birqatar manyzdy mindetter aityldy.

– Salany damytudyng strategiyalyq josparyna sәikes, 2025 jylgha qaray múnay óndiru jylyna 100 million tonnadan, al gaz jylyna 77 milliard tekshe metrden asuy tiyis. Osy maqsatta 2021-2025 jyldargha arnalghan auqymdy geologiyalyq barlau baghdarlamasy әzirlenude. Sarapshylardyng baghalauy boyynsha, Qazaqstannyng jalpy resurstyq әleueti 75 milliard tonna shartty otyn bolsa, Ortalyq jәne Soltýstik Qazaqstannyng әleuetti resursy shamamen 18 milliard tonnany qúraydy, – dedi Memleket basshysy.

Qasym-Jomart Toqaev Qazaqstannyng dayyn múnay ónimderin satu isindegi kóshbasshylardyng biri boluy tiyis degen pikir bildirdi. Onyng aituynsha, búl Ýkimetting aldaghy jyldardaghy atqaratyn basty mindetterining biri. Búl rette, Preziydent osy salagha innovasiyalardy engizuge, shiykizat óndiru jәne ony әri qaray qayta óndeu ýderisining ekologiyalyq tazalyghyn arttyrugha nazar audaru qajettigin atap ótti.

– 2025 jylgha qaray jalpy ishki ónimning jyl sayynghy túraqty ósimin 5 payyzgha jәne odan da joghary dengeyde qamtamasyz etu kózdelip otyr. Búl mening Qazaqstan halqyna arnalghan Joldauymda aityldy. Osy maqsattargha qol jetkizu barysynda elimizding múnay-gaz sektory ýlken ról atqarady, – dedi Memleket basshysy.

Saltanatty rәsim sonynda Qasym-Jomart Toqaev múnay-gaz ónerkәsibining ýzdik 41 qyzmetkerin marapattady.

Abai.kz