Senbi, 19 Qazan 2019
713 0 pikir 9 Qırküyek, 2019 sağat 16:32

AQŞ "Taliban" qozğalısımen qwpiya kelissözdi toqtattı

AQŞ Auğanstan jönindegi arnayı ökilin elge qaytardı. Ol "Taliban" qozğalısımen beybit kelissözderge qatısqan.

Bwnıñ aldında AQŞ prezidenti Donal'd Tramp qwpiya kezdesudiñ bolmaytının habarlağan. Bwl kezdesuge Kabul qalasında jaqında tirkelgen joyqın jarılıstı wyımdastıruşılar da qatısuı kerek bolğan. Şabuıldan 12 adam qaza tapqan, onıñ işinde AQŞ sarbazdarı da bar.

AQŞ memlekettik hatşısı Mayk Pompeo 8 qırküyekte Auğanstan jönindegi arnayı ökil Zalmay Halilzad elge qaytatının, beybit kelissözder uaqıtşa toqtağanın jariyaladı.

Pompeo tälipter "şekten şığıp ketti" dep mälimdedi. "Taliban" aymaqtağı zorlıq-zombılıqtı doğaru üşin moynına alğan jauapkerşilikti orınday almaydı nemese orındağısı kelmeydi", - dep mälimdedi Pompeo Fox News telearnası efirinde.

Donal'd Tramp qos taraptıñ ökilderimen Vaşington şetindegi Kemp-Devid rezidenciyasında, 11 qırküyek qarsañında kelissöz jürgizgisi keletinin habarlağan edi.

18 jıl bwrın 11 qırküyekte "Äl Kaida" terroristik tobı AQŞ-ta mıñdağan adam mert bolğan iri şabuıl wyımdastırdı. 2001 jılı AQŞ oğan jauap retinde Auğanstanda äskeri operaciyasın bastadı.

Abai.kz

0 pikir